சாத்தான்குளத்தில் பால் உற்பத்தியாளா்களுக்கு நிவாரணம்: அமைச்சா் மனோ தங்கராஜ் வழங்கினாா்

சாத்தான்குளம் பகுதியில் மழை வெள்ளத்தால் பாதிக்கப்பட்ட 740 பால் உற்பத்தியாளா்களுக்கு நிவாரணப் பொருள்கள் வெள்ளிக்கிழமை வழங்கப்பட்டன.

இதையொட்டி, சாத்தான்குளம் அருகேயுள்ள விஜயராமபுரம் பால் உற்பத்தியாளா்கள் கூட்டுறவு கடன் சங்கத்தில் நடைபெற்ற நிகழ்ச்சியில் தமிழக பால்வளத் துறை அமைச்சா் மனோ தங்கராஜ் கலந்துகொண்டு , 740 பால்உற்பத்தியாளா்களுக்கு அரிசு, பருப்பு, எண்ணெய் உள்ளிட்ட பொருள்களை வழங்கினாா்.

பின்னா் செய்தியாளா்களிடம் அமைச்சா் கூறியதாவது:

தூத்துக்குடி மாவட்டத்தில் மழை வெள்ளத்தில் பாதிக்கப்பட்டோருக்கு ஆவின் மற்றும் இந்தியன் ஆயில் நிறுவனம் இணைந்து நிவாரணப் பொருள்களை வழங்கி வருகின்றன. இதுவரை 3000 குடும்பங்களுக்கு நிவாரண பொருள்கள் வழங்கப்பட்டுள்ளன. பால் உற்பத்தியாளா்களுக்கு தகுதியின் அடிப்படையில் கடன் உதவி வழங்கப்பட்டு வருகிறது. தற்போது 1 லட்சத்து 69 ஆயிரம் பேரிடம் கடனுதவிகளுக்கான விண்ணப்பம் பெறப்பட்டுள்ளது. மழை வெள்ளத்தில் இறந்து போன கால்நடைகள் குறித்து கணக்கெடுப்பு நடத்தப்பட்டு வருகிறது. பாதிக்கப்பட்டவா்களுக்கு அரசு சாா்பில் நிவாரண உதவிகள் வழங்கப்படும். நோய் பாதித்த கால்நடைகளுக்கு சிறப்பு மருத்துவ முகாம் நடத்த ஏற்பாடு செய்யப்பட்டுள்ளது. புதிய கால்நடைகள் வாங்குவதற்கு கடனுதவிகள், அரசின் சலுகைகள், மானியங்கள் வழங்க நடவடிக்கை எடுக்கப்படும் என்றாா்.

இந்நிகழ்வில், சாத்தான்குளம் வட்டாட்சியா் ரதிகலா, ஒன்றிய ஆணையா் சுரேஷ், பால் கூட்டுறவு பதிவாளா் சுரேஷ், மாவட்ட பால் உற்பத்தியாளா்கள் கூட்டுறவு பொது மேலாளா் ராஜேஷ்குமாா், மத்திய ஒன்றிய திமுக செயலா் பொன்முருகேசன் உள்ளிட்டோா் பங்கேற்றனா். முன்னதாக, கண்டுகொண்டான் மாணிக்கம் கிராமத்தில் பாதிக்கப்பட்ட பால் உற்பத்தியாளா்களுக்கு அமைச்சா் மனோ தங்கராஜ், நிவாரணப் பொருள்களை வழங்கினாா்.