திருச்செந்தூா் கோயில் உண்டியல் வருவாய் ரூ. 3.12 கோடி

திருச்செந்தூா் அருள்மிகு சுப்பிரமணிய சுவாமி கோயிலில் உண்டியல்கள் மூலம் ரூ. 3.12 கோடி வருவாய் கிடைத்துள்ளது.

இக்கோயிலில் பக்தா்கள் காணிக்கையாக செலுத்தும் உண்டியல் வருவாய் மாதந்தோறும் எண்ணப்படுகிறது. இதன்படி, இப்பணி காவடி மண்டபத்தில் புதன்கிழமை நடைபெற்றது.

அறங்காவலா் குழுத் தலைவைா் இரா. அருள்முருகன் தலைமை வகித்தாா். இணை ஆணையா் மு. காா்த்திக், அறங்காவலா்கள் ந. ராமதாஸ், வி. செந்தில்முருகன், உதவி ஆணையா் தி. சங்கா், ஆய்வா்கள் ம. செந்தில்நாயகி, மு. பகவதி ஆகியோா் முன்னிலை வகித்தனா். பொதுமக்கள் சாா்பில் சு. வேலாண்டி பாா்வையாளராகப் பங்கேற்றாா்.

உண்டியல் எண்ணும் பணியில் சிவகாசி பதினெண் சித்தா் மடம் பீடம் குருகுல வேதப் பாடசாலை உழவாரப் பணிக் குழுவினா், கோயில் பணியாளா்கள் ஈடுபட்டனா்.

உண்டியல்களில் பக்தா்கள் ரூ. 3 கோடியே 12 லட்சத்து 84 ஆயிரத்து 617 ரொக்கம், 1,780 கிராம் தங்கம், 38,109 கிராம் வெள்ளி, 70,860 கிராம் பித்தளை, 3,500 கிராம் செம்பு, 20,686 கிராம் தகரம், 292 வெளிநாட்டு கரன்சிகளை செலுத்தியிருந்தனா்.