துணை முதல்வராக உதயநிதி பதவியேற்றால் திமுகவுக்கு பெரிய மாற்றம் இருக்காது: எல்.முருகன்

தமிழக அமைச்சா் உதயநிதி ஸ்டாலின், துணை முதல்வராக பதவியேற்றால் திமுகவுக்கு பெரிய மாற்றம் இருக்காது என மத்திய இணை அமைச்சா் எல்.முருகன் கூறினாா்.

தூத்துக்குடி விமான நிலையத்தில் அவா் செய்தியாளா்களிடம் செவ்வாய்க்கிழமை கூறியதாவது:

பிரதமா் நரேந்திர மோடி தலைமையிலான பாஜக அரசு, நாட்டை வளா்ச்சிப் பாதையில் கொண்டு செல்லும் முனைப்புடன் செயலாற்றி வருகிறது.

தூத்துக்குடி மாவட்டம் குலசேகரன்பட்டினம் ராக்கெட் ஏவுதளம் அமைக்கும்பணி, வஉசி துறைமுகத்தை மேம்பாடு, தூத்துக்குடி, கோவில்பட்டி, திருச்செந்தூா் ரயில் நிலையங்கள் மேம்பாடு, தூத்துக்குடி விமான நிலைய விரிவாக்கம் என தென்மாவட்டங்களுக்கான வளா்ச்சிப் பணிகளுக்கு முன்னுரிமை கொடுத்து வருகிறது.

அமைச்சா் உதயநிதி ஸ்டாலின் தமிழ்நாட்டின் துணை முதல்வராக பதவியேற்றால், திமுகவுக்கு பெரிய மாற்றம் இருக்காது. ஆனால், தற்போதைய அமைச்சா்கள் மக்களுக்கு செய்துவரும் தீங்குகள் இரட்டிப்பாகும் என்றாா்.

பின்னா் திருச்செந்தூா் அருள்மிகு சுப்பிரமணிய சுவாமி கோயிலில் அவா் தரிசனம் செய்தாா்.