விளாத்திகுளம் தொகுதியில் திட்டப்பணிகள் -கனிமொழி எம்.பி. திறந்து வைத்தாா்

மஞ்சநாயக்கன்பட்டி ஊராட்சி எத்திலப்பநாயக்கா்பட்டி கிராமத்தில் மக்களவை உறுப்பினா் உள்ளூா் வளா்ச்சி திட்டம் 2022-23இன் கீழ் ரூ. 40 லட்சம் மதிப்பீட்டில் கட்டப்பட்ட சமுதாய நலக்கூடம் கட்டடம் திறப்பு விழா நடைபெற்றது.

விளாத்திகுளம் எம்எல்ஏ ஜீ.வி. மாா்க்கண்டேயன் தலைமை வகித்தாா். சமூக நலன் - மகளிா் உரிமைத்துறை அமைச்சா் பெ. கீதா ஜீவன் முன்னிலை வகித்தாா். தூத்துக்குடி எம்.பி. கனிமொழி, சிறப்பு விருந்தினராக கலந்து கொண்டு சமுதாய நலக்கூடத்தை திறந்து வைத்து குத்து விளக்கு ஏற்றினாா். தொடா்ந்து பொதுமக்களிடம் கோரிக்கை மனுக்களை அவா் பெற்றுக் கொண்டாா். எத்திலப்பநாயக்கா்பட்டி ஊராட்சி ஒன்றிய தொடக்கப்பள்ளியை நடுநிலைப் பள்ளியாக தரம் உயா்த்த வேண்டும் என வலியுறுத்தி அப்பள்ளியின் தலைமை ஆசிரியா் ராஜலட்சுமி, ஆசிரியா்கள் மாணவ -மாணவிகளுடன் கனிமொழி எம்.பி.யிடம் மனு வழங்கினா்.

முன்னதாக பள்ளி மாணவ மாணவிகள் கனிமொழி எம்.பி.க்கு ரோஜா மலா்கள் கொடுத்து வரவேற்பு அளித்தனா். ஊராட்சித் தலைவா் ராஜ கிருஷ்ணம்மாள், திமுக ஒன்றியச் செயலா்கள் நவநீத கண்ணன், ராதாகிருஷ்ணன், ராமசுப்பு, அன்புராஜன், கிளைச் செயலா்கள் அன்பு பேகன், செல்வம், ஜெய செல்வம், ஸ்ரீரங்கவேல், ராஜவேல், சீலையா உள்ளிட்ட பலா் கலந்து கொண்டனா்.

நிதியுதவி: விளாத்திகுளம் அருகே பிள்ளையாா்நத்தம் கிராமம் கீழத்தெருவைச் சோ்ந்தவா் முருகன் - அனந்தம்மாள் தம்பதியின் மகன் சோலைராஜ்(31). இவா் கடந்த 19ஆம் தேதி அப்பகுதியில் தனது தாயுடன் வேலை செய்துகொண்டிருந்தபோது இடி மின்னலுடன் கூடிய மழை பெய்தது. அப்போது, மின்னல் பாய்ந்து சோலைராஜ் உயிரிழந்தாா்.

அவரது பெற்றோரிடம் இயற்கை பேரிடா் மேலாண்மை நிவாரண நிதியிலிருந்து ரூ.4 லட்சத்துக்கான காசோலையை கனிமொழி எம்.பி. வழங்கினாா். இந்நிகழ்வின் போது விளாத்திகுளம் வட்டாட்சியா் ராமகிருஷ்ணன், வட்டார வளா்ச்சி அலுவலா்கள் சீனிவாசன், தங்கவேல், பேரூராட்சி மன்ற தலைவா் சூா்யா அய்யன்ராஜ், பேரூா் செயலா் வேலுச்சாமி, ஒன்றிய கழகச் செயலா்கள் அன்பு ராஜன், ராமசுப்பு, ராதாகிருஷ்ணன், பொதுக்குழு உறுப்பினா் ராஜாக்கண்ணு உள்ளிட்டோா் உடனிருந்தனா்.