திருச்செந்தூரில் காவல் துறை- ஆட்டோ ஓட்டுனா்கள் ஆலோசனைக் கூட்டம்

திருச்செந்தூரில் காவல்துறை சாா்பில் ஆட்டோ ஓட்டுநா்கள் ஆலோசனைக் கூட்டம் நடைபெற்றது.

திருச்செந்தூா் கால்நடை மருத்துவமனை அருகே இந்து ஆட்டோ தொழிலாளா் முன்னணி பெயா் பலகையை மறைத்து விடுதலைச் சிறுத்தைகள் கட்சி சாா்பில் ஆட்டோ தொழிற்சங்க பெயா் பலகை வைக்கப்பட்டது.

இதையடுத்து இந்து ஆட்டோ தொழிலாளா் முன்னணியினருக்கும், மற்ற தொழிற்சங்கத்தினருக்கும் இடையே பிரச்னை ஏற்பட வாய்ப்புள்ளதாக கூறி காவல்துறை சாா்பில் வட்டாட்சியா் அலுவலகத்தில் புதன்கிழமை ஆலோசனைக் கூட்டம் நடைபெற்றது.

கூட்டத்துக்கு, திருச்செந்தூா் காவல் துணைக் கண்காணிப்பாளா் வசந்தராஜ் தலைமை வகித்து பேசியதாவது:

திருச்செந்தூா் நகராட்சியில் உள்ள பதிவு செய்த ஆட்டோ தொழிற்சங்கத்தினா், நகராட்சியில் ஆட்டோ ஸ்டாண்ட் அமைப்பதற்கு 15 நாள்களுக்குள் விண்ணப்பித்து உரிய ஒப்புதல் மற்றும் அனுமதி பெற வேண்டும். ஆட்டோ ஓட்டுநா்கள் ஒற்றுமையாக இருக்க வேண்டும். ஓட்டுநா்கள் அதிக வேகமாகவும், அதிகளவில் பயணிகளை ஆட்டோவில் ஏற்றிச் செல்லக் கூடாது. பக்தா்கள் மற்றும் பொதுமக்களுக்கு இடையூறான பாதையில் செல்லக் கூடாது.

கந்த சஷ்டி விழா நாள்களில் பக்தா்களின் கூட்டத்தை பொருத்து ஆட்டோக்கள் கோயில் வாசல் வரை செல்வதற்கு அனுமதியளிக்கப்படும் என அறிவுறுத்தினாா்.

கூட்டத்தில், வட்டாட்சியா் பாலசுந்தரம், வட்டார போக்குவரத்து அலுவலக மோட்டாா் வாகன ஆய்வாளா் பாத்திமா பா்வீனா, திருக்கோயில் காவல் ஆய்வாளா் கனகராஜ், போக்குவரத்து காவல் உதவி ஆய்வாளா் வேல்முருகன், பா.ஜ.க. மாநில செயற்குழு உறுப்பினா் ராஜகண்ணன், இந்து ஆட்டோ தொழிலாளா் முன்னணி மாவட்டத் தலைவா் கணேசன், இந்து முன்னணி நகர தலைவா் முத்துராஜ், விடுதலைச் சிறுத்தைகள் கட்சி நாடாளுமன்ற தொகுதி செயலா் ராஜ்குமாா், ஒன்றிய செயலா் சங்கத்தமிழன் மற்றும் ஆட்டோ தொழிற்சங்க நிா்வாகிகள் மற்றும் ஓட்டுநா்கள் கலந்து கொண்டனா்.