விஜய் பிரதமா் வேட்பாளா் என்பது இந்தாண்டின் மிகப்பெரிய நகைச்சுவை! - டிடிவி தினகரன்

பிரதமா் வேட்பாளராக தமிழக முதல்வா் ஜோசப் விஜய் இருப்பாா் என்று அமைச்சா்கள் கூறி வருவது, இந்த ஆண்டின் மிகப்பெரிய நகைச்சுவை என்றாா் அமமுக பொதுச் செயலா் டிடிவி தினகரன்.

சென்னையிலிருந்து விமானம் மூலம் திங்கள்கிழமை தூத்துக்குடிக்கு வந்த அவா், அங்கு செய்தியாளா்களிடம் கூறியதாவது:

அமமுக-அதிமுக இடையே மோதல் இருப்பதாக சமூக வலைதளங்களில் தகவல்கள் பரவி வருகின்றன. அதுபோன்று எதுவும் இல்லை. தோ்தலில் வாய்ப்பு கிடைக்காத வருத்தத்தில் ஒதுங்கியிருந்த ஒருவா், அதிமுகவில் இணைந்துள்ளாா். அவ்வளவுதான்.

தமிழக முதல்வா் ச.ஜோசப்விஜய் வருங்கால பிரதமா் என்று அமைச்சா்கள் கூறி வருவது, இந்த ஆண்டின் மிகப்பெரிய நகைச்சுவை.

இந்த ஆட்சியின் செயல்பாடுகள் குறித்து தமிழக மக்கள் சமூக வலைதளங்களில் எந்த அளவுக்கு வருத்தத்தை வெளிப்படுத்தி வருகின்றனா் என்பது தெரியும்.

இளைஞா்களையும், பெண்களையும் ஏமாற்றி ஆட்சிக்கு வந்தவா்கள், ரீல்ஸ் மூலம் ஆட்சியைத் தொடரலாம் என்று நினைக்கின்றனா். இன்னும் சொல்லப்போனால், இந்திய மக்களையும் ஏமாற்றலாம் என்று பாா்க்கின்றனா். ஆனால், வரும் தோ்தலில் தமிழக மக்கள் உறுதியாக நல்ல தீா்ப்பை வழங்குவாா்கள் என்றாா்.