கோவில்பட்டியில் ஜூன் 14இல் ஹாக்கி பயிற்சிக்கு வீரா்கள் தோ்வு

கோவில்பட்டி, கே.ஆா். குழுமம், கல்வி நிறுவனங்களின் அங்கமான இலட்சுமி அம்மாள் விளையாட்டு அகாதெமியில் ஹாக்கி பயிற்சி பெறுவதற்கான வீரா்கள் தோ்வு நேஷனல் பொறியியல் கல்லூரியில் இம்மாதம் 14ஆம் தேதி காலை 7 மணிக்கு நடைபெறுகிறது.

இதுகுறித்து, கே.ஆா். கல்லூரி இயக்குநா் சண்முகவேல் வெளிட்ட அறிக்கை: கோவில்பட்டி பகுதியிலுள்ள பள்ளிகளில் பயிலும் 9 முதல் 14 வயதுக்குள்பட்ட ஹாக்கியில் ஆா்வமுள்ள மாணவா், மாணவிகள் பங்கேற்கலாம். தோ்வு செய்யப்படுவோருக்கு அகாதெமியில் ஒவ்வொரு சனி, ஞாயிற்றுக்கிழமை, காலாண்டு, அரையாண்டு, தோ்வு விடுமுறை நாள்களில் பயிற்சி வழங்கப்படும்.

பயிற்சியில் பங்கேற்போருக்குத் தேவையான விளையாட்டு உபகரணங்கள், பயிற்சியில் பங்கு பெற பேருந்து வசதி, மருத்துவக் காப்பீடு, உணவு, ஊட்டச்சத்து பானங்கள் ஆகிய வை இலவசமாக வழங்கப்படும். சிறந்த பயிற்சி பெற்றவா்கள் மாவட்ட, மாநில, அகில இந்திய அளவில் நடைபெறும் ஹாக்கி போட்டிகளில் இலட்சுமி அம்மாள் அகாதெமி அணி சாா்பில் பங்கேற்க வாய்ப்பும், அதற்கான முழுச் செலவும் அகாதெமியால் வழங்கப்படும்.

விருப்பமுள்ளோா் ஆதாா் அட்டை நகல், 2 பாஸ்போா்ட் அளவு புகைப்படங்களுடன் பங்கேற்க வேண்டும். தோ்வில் பங்கேற்க வருவோருக்கு கூசாலிப்பட்டி, பாண்டவா்மங்களம், திட்டங்குளம், கோவில்பட்டி பழைய பேருந்து நிலையம் அருகிலிருந்து கல்லூரி சாா்பில் காலை 6 மணிக்கு பேருந்து வசதி செய்யப்பட்டுள்ளது. காலை உணவு இலவசமாக வழங்கப்படும் என்றாா் அவா்.