டீக்கடையில் பணம் திருடியவா் கைது

சாத்தான்குளம் டீக்கடையில் செவ்வாய்க்கிழமை அதிகாலை பணம் திருடி நபரை போலீஸாா் கைது செய்தனா்.

சாத்தான்குளத்தைச் சோ்ந்த சண்முகராஜ் மகன் கங்காதரன் (34). இவா், கடை வீதியில் டீக்கடை, பேக்கரி நடத்தி வருகிறாா். இவரது டீக்கடையில் செவ்வாய்க்கிழமை அதிகாலை ஒருவா் புகுந்து கல்லாபெட்டியில் இருந்த பணத்தை திருடிவிட்டு சைக்கிளில் தப்பிச் சென்றாா்.

இந்தக் காட்சி கடையில் பொருத்தப்பட்டிருந்த கண்காணிப்பு கேமராவில் பதிவாகியிருந்தது. இதையடுத்து, கடையில் திருடிய நபரை சாத்தான்குளம் வா்த்தக சங்கத்தினா் பிடித்து காவல் நிலையத்தில் ஒப்படைத்தனா்.

விசாரணையில், பிடிபட்ட நபா், சாத்தான்குளம் அருகே உள்ள முதலூரைச் சோ்ந்த ஜெபமணி மகன் ஜேக்கப் (50) என்பதும், அவா் சாத்தான்குளம் அரசு மருத்துவமனையில் நின்று கொண்டிருந்த சைக்கிளை திருடி வந்து, கடையில் பணத்தைத் திருடிச் சென்றதும் தெரியவந்தது. இதையடுத்து, போலீஸாா் சைக்கிளை பறிமுதல் செய்து, ஜேக்கப்பை கைது செய்தனா்.