குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

பால் பண்ணை உரிமையாளா் கொலை வழக்கு: இளைஞா் கைது

தூத்துக்குடி மாவட்டம், நாரைக்கிணறு அருகே கே. கைலாசபுரத்தில், பால் பண்ணை உரிமையாளா் வெட்டிக் கொலை செய்யப்பட்ட வழக்கில், இளைஞா் புதன்கிழமை கைது செய்யப்பட்டாா்.

கைது - கோப்புப் படம்

Updated On :

தூத்துக்குடி மாவட்டம், நாரைக்கிணறு அருகே கே. கைலாசபுரத்தில், பால் பண்ணை உரிமையாளா் வெட்டிக் கொலை செய்யப்பட்ட வழக்கில், இளைஞா் புதன்கிழமை கைது செய்யப்பட்டாா்.

கே. கைலாசபுரம், ரைஸ்மில் காலனியைச் சோ்ந்த நடராஜன் மகன் நடேஸ்குமாா் (44). இவா், அப்பகுதியில் பால் பண்ணை நடத்தி வந்தாா். அப்பகுதியில் நின்றிருந்த நடேஸ்குமாா் செவ்வாய்க்கிழமை இரவு, மா்ம நபரால் கத்தியால் குத்திக்கொலை செய்யப்பட்டாா். இதுகுறித்து நாரைக்கிணறு போலீஸாா், வழக்குப் பதிந்து விசாரணை மேற்கொண்டனா்.

இதில், புதியம்புத்தூா் அருகேயுள்ள புதுப்பச்சேரி கிராமம், வடக்கு தெருவைச் சோ்ந்த வெற்றிவேல் மகன் மகாராஜன் (34) என்பவா், சூப்பா் மாா்க்கெட் கடையில் பொருள்களை வாங்கிவிட்டு, கைப்பேசி செயலி மூலம் பண பரிவா்த்தனை செய்தாராம். இதில் கடைக்காரருக்கும், மகாராஜனுக்குமிடையே ஏற்பட்ட தகராறை, அப்பகுதியிலிருந்த நடேஸ்குமாா் விலக்கி விட்டாராம்.

அப்போது, நடேஸ்குமாருக்கும், மகாராஜனுக்குமிடையே தகராறு ஏற்பட்டதாம். மகாராஜன், நடேஸ்குமாரை தாக்கிவிட்டு, மிரட்டல் விடுத்துச் சென்றாராம். அதன் பின்னா் சிறிது நேரம் கழித்து வந்த மகாராஜன், நடேஸ்குமாரை கத்தியால் குத்திக் கொலை செய்தது தெரியவந்தது. இதையடுத்து மகாராஜனை போலீஸாா் புதன்கிழமை கைது செய்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.