தூத்துக்குடியில் புகையிலைப் பொருள்கள் விற்பனை செய்தவா் கைது
தூத்துக்குடியில் தடை செய்யப்பட்ட புகையிலைப் பொருள்களை விற்பனை செய்தவரை போலீஸாா் கைது செய்து, அவரிடமிருந்து 93 புகையிலைப் பொட்டலங்களைப் பறிமுதல் செய்தனா்.
பிரதிப் படம்
தூத்துக்குடியில் தடை செய்யப்பட்ட புகையிலைப் பொருள்களை விற்பனை செய்தவரை போலீஸாா் கைது செய்து, அவரிடமிருந்து 93 புகையிலைப் பொட்டலங்களைப் பறிமுதல் செய்தனா்.
தூத்துக்குடி சிப்காட் காவல் நிலைய எல்லைக்குள்பட்ட பகுதிகளில் தனிப்படை போலீஸாா் ரோந்து பணியில் ஈடுபட்டிருந்தனா். அப்போது, தனியாா் ஆலை அருகே அரசால் தடை செய்யப்பட்ட புகையிலைப் பொருள்கள் விற்பனை செய்யப்படுவது தெரியவந்தது. இதையடுத்து அப்பகுதியில் சோதனை நடத்திய போலீஸாா், புகையிலைப் பொருள்களை விற்பனை செய்து கொண்டிருந்தவரைப் பிடித்து விசாரணை நடத்தினா்.
விசாரணையில், அவா் தூத்துக்குடி மீளவிட்டான் தெற்குத் தெருவைச் சோ்ந்த சுந்தரவேல் மகன் அண்ணாதுரை (57) என்பது தெரியவந்தது. அவரை கைது செய்த போலீஸாா், அவரிடமிருந்து விற்பனைக்காக வைத்திருந்த 93 புகையிலைப் பொட்டலங்களைப் பறிமுதல் செய்தனா்.
பின்னா், கைது செய்யப்பட்டவரையும், பறிமுதல் செய்யப்பட்ட புகையிலைப் பொருள்களையும் சிப்காட் காவல் நிலையத்தில் ஒப்படைத்தனா். இதுகுறித்து சிப்காட் போலீஸாா் வழக்குப் பதிவு செய்து விசாரணை நடத்தி வருகின்றனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

