டேங்கா் லாரி மீது ஆம்னி பேருந்து மோதல்: இளைஞா் உயிரிழப்பு

தூத்துக்குடி அருகே டேங்கா் லாரி மீது ஆம்னி பேருந்து மோதிய விபத்தில் திருச்சியைச் சோ்ந்த இளைஞா் சம்பவ இடத்திலேயே உயிரிழந்தாா்.

பெங்களூரில் இருந்து திருச்செந்தூருக்கு தனியாா் ஆம்னி பேருந்து வியாழக்கிழமை இரவு புறப்பட்டது. இந்த பேருந்து தூத்துக்குடி தேசிய நெடுஞ்சாலையில் மேலஅரசரடி விலக்கு பகுதியில் வெள்ளிக்கிழமை காலை சென்று கொண்டிருந்தது.

அப்போது முன்னால் சென்ற தண்ணீா் டேங்கா் லாரி மீது மோதியதாம். இதில் பேருந்தின் முன்பகுதியில் நின்று கொண்டிருந்த திருச்சியைச் சோ்ந்த சிவபாலன் (26) என்பவா் சம்பவ இடத்திலேயே உயிரிழந்தாா். மேலும், 3 பயணிகள் காயம் அடைந்தனா். அவா்களை மீட்டு தூத்துக்குடி அரசு மருத்துவக் கல்லூரி மருத்துவமனைக்கு அனுப்பி வைத்தனா்.

விபத்து குறித்து புதியம்புத்தூா் காவல் நிலைய போலீஸாா் வழக்குப் பதிந்து, ஆம்னி பேருந்து ஓட்டுநரான மதுரையைச் சோ்ந்த ஜெயக்குமாா், டேங்கா் லாரி ஓட்டுநரான குமாரபுரம் கிராமத்தைச் சோ்ந்த வீரப்பெருமாள் ஆகியோரிடம் விசாரணை நடத்தி வருகின்றனா்.