கயத்தாறு பேருந்து நிலையத்திற்குள் அரசுப் பேருந்துகள் வந்து செல்ல வலியுறுத்தல்

கயத்தாறு பேருந்து நிலையத்திற்குள் அரசுப் பேருந்துகள் வந்து செல்ல வேண்டுமென, தமிழ்நாடு அரசு போக்குவரத்துக் கழக கோவில்பட்டி பணிமனை மேலாளா் சங்கிலிமாடசாமியிடம், தூத்துக்குடி வடக்கு மாவட்ட தேசிய முற்போக்கு திராவிடக் கழக செயலா் சுரேஷ் தலைமையில் கோரிக்கை மனு அளிக்கப்பட்டது.

அந்த மனு விவரம்: கோவில்பட்டி, திருநெல்வேலி செல்லும் அரசுப் பேருந்துகள் கயத்தாறு பேருந்து நிலையத்திற்குள் சென்று வர வேண்டும். இதனால், கயத்தாறு மற்றும் அதன் சுற்றுவட்டாரப் பகுதியில் உள்ள பொதுமக்கள் அந்த ஊா்களுக்குச் சென்று வர ஏதுவாக இருக்கும்.

கோவில்பட்டி பிரதான சாலையில் மாரியம்மன் கோயில், ரயில் நிலையம் அருகே உள்ள பேருந்து நிறுத்தத்தில் பேருந்துகளை நிறுத்த வேண்டும் என்பன உள்ளிட்ட கோரிக்கைகள் அதில் தெரிவிக்கப்பட்டுள்ளது.

இதில், மாவட்ட அவைத் தலைவா் கொம்பையா பாண்டியன், செயற்குழு உறுப்பினா் பிரபாகரன், நகரச் செயலா் நேதாஜி பாலமுருகன், கிளைச் செயலா் அறிவழகன் ஆகியோா் கலந்துகொண்டனா்.