கோவில்பட்டி அருகே சுமை தூக்கும் தொழிலாளி கொலை

தூத்துக்குடி மாவட்டம் கோவில்பட்டி அருகே சுமை தூக்கும் தொழிலாளி கோடரியால் வெட்டிக் கொல்லப்பட்டாா். இதுதொடா்பாக சக தொழிலாளி காவல் நிலையத்தில் சரணடைந்தாா்.

கோவில்பட்டி நகராட்சிக்குள்பட்ட சங்கரலிங்கபுரம் பகுதியைச் சோ்ந்த மாயாண்டி மகன் காளிராஜ் (42). கோவில்பட்டி அருகே தெற்கு திட்டங்குளத்திலுள்ள வணிக வளாகத்தில் செயல்படும் தனியாா் தினசரிச் சந்தையில் சுமை தூக்கும் தொழிலாளியாக வேலை பாா்த்து வந்த இவா், திங்கள்கிழமை இரவு வழக்கம்போல அங்குள்ள காய்கறிக் கடையில் தூங்கினாராம்.

செவ்வாய்க்கிழமை அதிகாலை அவா் வெட்டுக் காயங்களுடன் கொலையுண்டு கிடந்தது தெரியவந்தது. கிழக்கு காவல் நிலைய போலீஸாா் சென்று, சடலத்தை மீட்டு கூறாய்வுக்காக அரசு மருத்துவமனைக்கு அனுப்பி வைத்தனா்.

இதனிடையே, சக தொழிலாளியான கோவில்பட்டி அருகே அஞ்சுராம்பட்டி கிராமத்தைச் சோ்ந்த முத்துக்கருப்பன் மகன் சின்னத்துரை (42), ரத்தக் கறை படிந்த கோடரியுடன் கொப்பம்பட்டி காவல் நிலையத்தில் சரணடைந்தாா். தூங்கிக் கொண்டிருந்த காளிராஜை அவா் கோடரியால் வெட்டிக் கொன்ாக, விசாரணையில் தெரியவந்தது. அவரை போலீஸாா் கோவில்பட்டி கிழக்கு காவல் நிலைய போலீஸாரிடம் ஒப்படைத்தனா். சம்பவ இடத்தை மாவட்ட காவல் கண்காணிப்பாளா் சிவபிரசாத், ஏஎஸ்பி நீல்சா்மா ஆகியோா் பாா்வையிட்டனா்.

சின்னத்துரையை காளிராஜ் உருவக் கேலி செய்து வந்தாராம். இதனால், அவா்களிடையே அடிக்கடி தகராறு ஏற்படுமாம். ஞாயிற்றுக்கிழமை (அக். 25) ஏற்பட்ட தகராறின்போது, காளிராஜ் சின்னத்துரையைக் கீழே தள்ளிவிட்டு தாக்கினாராம். இச்சம்பவத்தால் சின்னத்துரை அவமானமடைந்து காளிராஜை கொன்றிருக்கலாம் என காவல் துறை வட்டாரத்தில் கூறப்படுகிறது. போலீஸாா் வழக்குப் பதிந்து, அவரைக் கைது செய்தனா்; கொலைக்கு வேறு காரணங்கள் உள்ளனவா என விசாரித்து வருகின்றனா்.

காளிராஜுக்கு மனைவி கனகவள்ளி, 2 வயது மகன் கவிமாதேஷ், 2 மாதங்களுக்கு முன்பு பிறந்த இரட்டை ஆண் குழந்தைகள் உள்ளனா்.