தூத்துக்குடியில் சிறுபான்மையினா் பொருளாதார மேம்பாட்டுக் கழகத் திட்டங்கள் ஆய்வு

சிறுபான்மையினா் பொருளாதார மேம்பாட்டுக் கழகத்தின் (டாம்கோ) திட்டங்கள் குறித்த ஆய்வுக் கூட்டம், தூத்துக்குடி மாவட்ட ஆட்சியா் அலுவலகத்தில் டாம்கோ தலைவா் ஏ.பி. தமீம் அன்சாரி சாஹிப் தலைமையில், ஆட்சியா் விஷு மகாஜன் முன்னிலையில் புதன்கிழமை நடைபெற்றது.

இக்கூட்டத்தில் பேசிய டாம்கோ தலைவா் தமீம் அன்சாரி சாஹிப், தூத்துக்குடி மாவட்டத்துக்கு கடன் இலக்கு ரூ. 1 கோடியாக உள்ள நிலையில், அதை ரூ. 4 கோடியாக உயா்த்துவதற்காக பணிகளை மேற்கொண்டு வருகிறோம். வெளிநாடுகளில் உயா்கல்வி பயிலும் மாணவா்களுக்கு ரூ. 36 லட்சம் வரை கல்விக் கடன் வழங்கப்படுகிறது. 2 நபா்களின் ஜாமீனுடன் ரூ. 3 லட்சம் வரை கல்வி மற்றும் தனிநபா் கடன் பெறும் வகையில் திட்டம் விரிவுபடுத்தப்பட்டுள்ளது. டாம்கோ திட்டங்களை அறிந்து மக்கள் பயன்பெறுவதற்கான செயலி விரைவில் அறிமுகப்படுத்தப்படவுள்ளது என்றாா்.

தொடா்ந்து, 4 மகளிா் சுய உதவிக் குழுக்களுக்கு ரூ. 43 லட்சம் வங்கிக் கடனுதவிகளை வழங்கினாா்.

மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் (பொ) பிா்தௌஸ் பாத்திமா, கண்காணிப்பாளா்கள் லெட்சுமி, கலைச்செல்வன், இஸ்லாமியப் பிரதிநிதிகள், அரசு அலுவலா்கள் உள்ளிட்டோா் கலந்து கொண்டனா்.