போதைப் பொருள்கள் வைத்திருந்த 5 போ் கைது 14 கிலோ கஞ்சா, காா் பறிமுதல்

திருச்சி மே 9: திருச்சியில் போதைப் பொருள்கள் வைத்திருந்த 5 பேரை போலீஸாா் புதன்கிழமை கைது செய்தனா். அவா்களிடமிருந்து 14 கிலோ கஞ்சா, காா் உள்ளிட்டவற்றை போலீஸாா் பறிமுதல் செய்தனா்.

திருச்சி மத்திய பேருந்து நிலையம் அருகே புதன்கிழமை இரவு சந்தேகத்துக்கிடமான வகையில் இருவா் கையில் பைகளுடன் நின்றிருந்தனா். அவா்களிடம் போலீஸாா் அவா்களிடம் விசாரணை மேற்கொண்டபோது, முன்னுக்குப் பின் முரணாக தகவல்களை அளித்துள்ளனா். பின்னா் அவா்கள் வைத்திருந்த பைகளை சோதனையிட்டபோது, அதில் 14 கிலோ கஞ்சா இருப்பது தெரியவந்தது.

இதனையடுத்து அவா்களிடம் விசாரித்ததில் திண்டுக்கல் மாவட்டம், மாத்தூா் கீழபுதுப்பட்டியைச் சோ்ந்த பி. ராஜேஷ்குமாா் (28), நரசிங்கபுரத்தைச் சோ்ந்த 17 வயது சிறுவன் என்பதும், அவா்கள் சென்னையிலிருந்து கஞ்சா வாங்கி வந்து திருச்சியில் குறிப்பிட்ட நபா்களிடம் கொடுக்க காத்திருந்ததும் தெரியவந்தது.

இதையடுத்து மதுவிலக்கு தடுப்புப் பிரிவு போலீஸாா் அவா்களிடமிருந்த 14 கிலோ கஞ்சாவை பறிமுதல் செய்து ராஜேஸ்குமாரை கைது செய்தனா். சிறுவனை காப்பகத்தில் அடைத்தனா்.

மேலும் 3 போ் கைது: காந்தி சந்தை பகுதியில் போதைப் பொருள்கள் காரில் கடத்திச் செல்லப்படுவதாக வந்த தகவலையடுத்து காந்திசந்தை காவல்நிலைய ஆய்வாளா் ரவிசந்திரன் தலைமையிலான போலீஸாா் புதன்கிழமை அப்பகுதியில் வாகன தணிக்கையில் ஈடுபட்டனா். அப்போது அவ்வழியே வந்த இரு வாகனங்களில் கொண்டு செல்லப்பட்ட போதைப் பொருள்களை போலீஸாா் பறிமுதல் செய்தனா்.

இது தொடா்பாக உறையூரைச் சோ்ந்த ஜெயச்சந்திரன், வயலூா் சாலை பகுதியைச் சோ்ந்த ஞானசேகா் ராஜா, மற்றும் ராஜஸ்தான் மாநிலத்தைச் சோ்ந்த சிறுவன் உள்ளிட்ட 3 பேரை போலீஸாா் கைது செய்தனா். அவா்களிடமிருந்து போதைப் பொருள்கள் கடத்தலுக்கு பயன்படுத்திய காா், இருசக்கர வாகனம் , ரொக்கம், கைப்பேசிகள் உள்ளிட்டவைகளை போலீஸாா் பறிமுதல் செய்தனா்.