தூக்கிட்டு தற்கொலைக்கு முயன்ற பொறியியல் கல்லூரி மாணவா் மாடியிலிருந்து விழுந்து உயிரிழப்பு

திருச்சியில் தூக்கிட்டு தற்கொலைக்கு முயன்ற பொறியியல் மாணவா், கயிறு அறுந்து 4-ஆவது மாடியிலிருந்து விழுந்ததில் உயிரிழந்தாா்.

திருச்சி ஸ்ரீரங்கம் வீரேஸ்வரம் பகுதியைச் சோ்ந்த மலையப்பன் மகன் முகேஷ் (24). இவா், கோவையிலுள்ள தனியாா் கல்லூரியில் 4-ஆம் ஆண்டு பொறியியல் படித்து வந்தாா்.

இந்நிலையில், மலையப்பன் கடந்த செவ்வாய்க்கிழமை மகனை பாா்ப்பதற்காக கோவைக்கு சென்றுள்ளாா். பின்னா், தந்தை, மகன் இருவரும் கோவையில் இருந்து திருச்சிக்கு புதன்கிழமை வந்துள்ளனா்.

இதையடுத்து, முகேஷ் திருச்சி - கரூா் புறவழிச் சாலையில் உள்ள உடற்பயிற்சி கூடத்துக்குச் சென்றுள்ளாா். அங்கு முகேஷ் தூக்கிட்டுத் தற்கொலை செய்துகொள்ள முயற்சித்துள்ளாா். அப்போது, கயிறு அறுந்ததில் முகேஷ் 4-ஆவது மாடியிலிருந்து கீழே விழுந்தாா். இதில், தலையில் பலத்த காயமடைந்த முகேஷ் சம்பவ இடத்திலேயே உயிரிழந்தாா். இதுகுறித்து உறையூா் போலீஸாா் வழக்குப் பதிந்து விசாரிக்கின்றனா்.