ஆண்டிமடம் அருகே மாமனாரைத் தாக்கிய ஆசிரியர் கைது

: அரியலூர் மாவட்டம், ஆண்டிமடம் அருகே மாமனாரைத் தாக்கிய ஆசிரியர் ஞாயிற்றுகிழமை கைது செய்யப்பட்டார்.

ஆண்டிமடம் அருகே உள்ள ரெட்டிதத்தூர் கிராமத்தைச் சேர்ந்த துரைக்கண்ணு மகன் புதியராஜா (32). இவர், ஜமீன் குளத்தூர் அரசு பள்ளியில் ஆசிரியராகப் பணிபுரிந்து வருகிறார். இவருக்கும், வரதராஜன் பேட்டை சாமிநாதன் மகள் ஜூலி மெட்டில்டாவுக்கும் திருமணம் ஆகி இருவரும் பிரிந்து வாழ்ந்து வருகின்றனர்.

இந்நிலையில் கடந்த ஆக. 23 அன்று புதியராஜா வரதராஜன் பேட்டைக்கு சென்று தனது மாமனாரிடம் தனது குழந்தையைப் பார்க்க வந்ததாக கூறினாராம். அதற்கு அவர் குழந்தையைப் பார்க்க முடியாது எனக் கூறியிருக்கிறார். இதனால் அவரிடம் தகராறு செய்து மாமனாரைத் தாக்கினாராம். இதுகுறித்து சாமிநாதன் ஆண்டிமடம் காவல் நிலையத்தில் அளித்த புகாரின் பேரில் காவல் உதவி ஆய்வாளர் மதியழகன் வழக்குப்பதிந்து புதியராஜாவை கைதுசெய்து விசாரித்து வருகின்றனர்.