ஜயங்கொண்டம் நகராட்சி நகர்மன்ற கூட்டம்

அரியலூர் மாவட்டம், ஜயங்கொண்டம் நகராட்சியில் வெள்ளிக்கிழமை நடைபெற்ற நகர்மன்ற அவசரக் கூட்டத்துக்கு நகர்மன்றத் தலைவர் மீனாள் சந்திரசேகர் தலைமை வகித்தார். துணைத் தலைவர் பி.ஆர். செல்வராஜ், ஆணையர் நவேந்திரன் ஆகியோர் முன்னிலை வகித்தனர். கூட்டத்தில், நகராட்சிக்கு 2.5 கோடி ரூபாய் மதிப்பில் புதிய அலுவலகம் கட்டும் திட்டப் பணிக்கு அனுமதி அளித்தல், நகராட்சிக்குச் சொந்தமான இடத்தில் 50 லட்சம் மதிப்பில் வார சந்தைக்கான கடைகள் கட்டுதல், 1 கோடி ரூபாய் மதிப்பில் நவீன எரிவாயு தகன மேடை அமைத்தல், 30 லட்சம் ரூபாய் மதிப்பில் நகராட்சி ஆணையருக்கான குடியிருப்பு கட்டுதல் உள்ளிட்ட தீர்மானங்கள் நிறைவேற்றப்பட்டன.

கூட்டத்தில் நகர்மன்ற உறுப்பினர்கள் மூர்த்தி, சுப்பிரமணியன்,இதயத்துல்லா,வேல்முருகன்,சத்யா,இந்திரா,முத்துலட்சுமி,பானுமதி உள்ளிட்டோர் பங்கேற்றனர்.