செந்துறையில் மகிளா காங்கிரஸ் ஆர்ப்பாட்டம்

சிறுமி ஆசிபா படுகொலையைக் கண்டித்து அரியலூர் மாவட்டம் செந்துறையில் அகில இந்திய மகிளா காங்கிரஸ் கட்சியினர் செவ்வாய்க்கிழமை ஆர்ப்பாட்டத்தில் ஈடுபட்டனர்.
ஆர்ப்பாட்டத்தில், சிறுமி ஆசிபாவை வன்கொடுமை செய்தோர் மீது உடனடி நடவடிக்கை எடுக்க வலியுறுத்தப்பட்டது. ஆர்ப்பாட்டத்துக்கு, மகிளா காங்கிரஸ் மாவட்ட துணைத் தலைவர் பழனியம்மாள் தலைமை வகித்தார். காங்கிரஸ் 
வட்டாரத்  தலைவர்கள் செந்தில், பழனிசாமி, சுதா, மகிளா காங்கிரஸ் ஒன்றியச் செயலர் ஷோபா உள்ளிட்டோர் முழக்கமிட்டனர்.