மக்கள் குறை கேட்புநாள் கூட்டத்தில் 377 மனுக்கள்

அரியலூர் மாவட்ட ஆட்சியரகத்தில்  திங்கள்கிழமை நடைபெற்ற மக்கள் குறைகேட்பு நாள் கூட்டத்தில் 377  மனுக்கள் பெறப்பட்டன.
கூட்டத்துக்கு  மாவட்ட வருவாய் அலுவலர் சே.தனசேகரன் தலைமை வகித்து,பொதுமக்கள் மற்றும் மாற்றுத்திறனாளிகள் பல்வேறு கோரிக்கைகள் தொடர்பாக அளித்த 377 மனுக்களைப் பெற்றுக் கொண்டார்.
இதை சம்பந்தப்பட்ட துறை அலுவலர்களிடம் வழங்கி உரிய விசாரணையின்படி நடவடிக்கை எடுக்குமாறு அவர் உத்தரவிட்டார்.  கூட்டத்தில் சமூக பாதுகாப்பு திட்ட துணை ஆட்சியர் அ.பூங்கோதை உள்ளிட்ட பல்துறை அலுலர்கள் பங்கேற்றனர்.