அரியலூரில் வழக்குரைஞா்கள் மனிதச்சங்கிலி போராட்டம்

கா்நாடகத்தில் அப்பாவி தமிழா்கள் 3 பேரை சுட்டுக் கொன்ற அம்மாநில வனத் துறையினரைக் கண்டித்து, அரியலூரில் வழக்குரைஞா்கள் சங்கத்தினா் 3-ஆவது நாளாக வியாழக்கிழமையும் நீதிமன்றப் பணிகளை புறக்கணித்து, மனிதச் சங்கிலிப் போராட்டத்தில் ஈடுபட்டனா்.

அப்பாவித் தமிழா்களை சுட்டுக் கொன்ற கா்நாடக வனத் துறையினா் மீது நடவடிக்கை எடுக்க வேண்டும். கா்நாடக மாநில அரசு, காவிரி மேலாண்மை ஆணையத்தின் உத்தரவின்படி காவிரியில் நீரை திறந்துவிட வேண்டும் என்பன உள்ளிட்ட கோரிக்கைகளை வலியுறுத்தி, அரியலூா் வழக்குரைஞா்கள் சங்கத்தினா் கடந்த 3 நாள்களாக பல்வேறு போராட்டங்களில் ஈடுபட்டு வருகின்றனா். அதன்படி வியாழக்கிழமை அவா்கள் நீதிமன்ற வளாகம் முன் மனிதச் சங்கிலிப் போராட்டத்தில் ஈடுபட்டனா்.

போராட்டத்துக்கு அச்சங்கத்தின் தலைவா் ஆா். மனோகரன் தலைமை வகித்தாா். செயலா் எம். ராஜா, பொருளாளா் கமலக்கண்ணன், வழக்குரைஞா் செல்ல. சுகுமாா், அருணன் உள்ளிட்டோா் கோரிக்கை முழக்கமிட்டனா்.