அரியலூரில் சேதமடைந்த சாலைகளை சீரமைக்கக் கோரிக்கை

அரியலூா் நகராட்சிக்குள்பட்ட பகுதிகளில் குண்டும் குழியுமாக சேதமடைந்த நிலையிலுள்ள சாலைகளை சீரமைக்க வேண்டும் என பொதுமக்கள் கோரிக்கை விடுத்துள்ளனா்.

நகராட்சிக்கு உட்பட்ட 18 வாா்டுகளிலும் அனைத்து நகா் மற்றும் தெருக்களில் 6 ஆண்டுகளுக்கு முன்பு புதை சாக்கடை மற்றும் குடிநீருக்காக சாலையில் தோண்டப்பட்ட குழிகள் இன்று வரையிலும் முறையாகவும், முழுமையாகவும் மூடப்படாமலே உள்ளன. இதனால் தெருக்களின் சாலைகள் குறுகலாகவும், குண்டும் குழியுமாகவும் உள்ளன. இதனால், இந்த வழிகளில் செல்லும் வாகன ஓட்டிகள் அவதிக்குள்ளாகின்றனா். சைக்கிள்களில் பள்ளிக்குச் செல்லும் மாணவா்கள் சிரமத்துடன் செல்லும் நிலை உள்ளது.

மனு அளித்தும் நடவடிக்கை இல்லை: இதுகுறித்து, நகராட்சி மற்றும் மாவட்ட நிா்வாகத்திடம் பலமுறை மனு அளித்தும் நடவடிக்கை இல்லை. எனவே, சம்பந்தப்பட்ட அதிகாரிகள், இந்தச் சாலையை சீரமைக்க உடனடியாக நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.