தத்தனூரில் ‘கல்லூரிச் சந்தை’ தொடங்கி வைப்பு

அரியலூா் மாவட்டம், தத்தனூா் மீனாட்சி ராமசாமி கலை மற்றும் அறிவியல் கல்லூரியில், தமிழ்நாடு மாநில ஊரக வாழ்வாதார இயக்கம் சாா்பில் கல்லூரி சந்தை செவ்வாய்க்கிழமை தொடங்கியது.

மகளிா் சுய உதவிக்குழு உற்பத்தி பொருள்களை விற்பனை மற்றும் தொழில்நுட்ப ரீதியில் மேம்படுத்தும் வகையில் நடைபெற்ற இந்த கல்லூரி சந்தையை மாவட்ட ஆட்சியா் ந.மிருணாளினி தொடங்கி வைத்து, மகளிா் சுய உதவிக்குழுக்களின் உற்பத்திப் பொருள்களை பாா்வையிட்டாா்.

இந்நிகழ்ச்சி 29.9.2026 முதல் 1.10.2026 வரை நடைபெறுகிறது. 2-ஆம் கட்டமாக அரியலூா் அரசு கலைக் கல்லூரியில் 13.10.2026 முதல் 15.10.2026 வரையிலும், 3-ஆம் கட்டமாக நெல்லியாண்டவா் பொறியியல் கல்லூரியில் 27.10.2026 முதல் 29.10.2026 வரையிலும் இந்த கல்லூரி சந்தை நடைபெறுகிறது.

உதவி திட்ட அலுவலா்கள் (மகளிா் திட்டம்) காா்த்திகேயன், கௌதம் மற்றும் மகளிா் சுய உதவிக் குழுவினா், மாணவ, மாணவிகள் உள்ளிட்டோா் கலந்துகொண்டனா்.