தமிழ்நாடு ஆரம்பப் பள்ளி ஆசிரியர் கூட்டணியின் இருபெரும் விழா

கரூர் மாவட்ட தமிழ்நாடு ஆரம்பப்பள்ளி  ஆசிரியர் கூட்டணியின் இருபெரும் விழா ஞாயிற்றுக்கிழமை நடைபெற்றது.
கூட்டணியின்புதிய மாவட்ட அலுவலகம் திறப்பு மற்றும் இடைநிலை ஆசிரியர் ஊதிய மீட்புப் போராட்டத்திற்கான மாவட்ட ஆயத்த மாநாடு ஆகிய இருபெரும் விழா கரூரில் நடைபெற்றது. இந்த விழாவுக்கு கூட்டணியின் மாவட்டத் தலைவர் பெ. காளிதாஸ் தலைமை வகித்தார்.  
புதிய அலுவலகத்தை திறந்து வைத்து, இடைநிலை ஆசிரியர் ஊதியப் பிரச்னை குறித்து முன்னாள் மாநிலத் தலைவரும், எஸ்.டி.எப்.ஐ. பொதுக்குழு உறுப்பினருமாகிய ச. மோசஸ் சிறப்புரையாற்றினார்.  மாநிலச் செயலர் ஹேமலதா  குத்துவிளக்கேற்றி தொடக்கவுரையாற்றினார்.
தமிழ்நாடு ஓய்வுபெற்ற அனைத்து ஆசிரியர் சங்கத்தின்  மாநிலத் துணைத் தலைவர் பிச்சுமணி இயக்கக் கொடியேற்றி வாழ்த்தி பேசினார்.  
தமிழ்நாடு ஆரம்பப் பள்ளி ஆசிரியர் கூட்டணியின் மாவட்ட, கிளை நிர்வாகிகள் நிகழ்வில் பங்கேற்றனர். 
முன்னதாக  மாவட்டச்  செயலர் ஜ. ஜெயராஜ் வரவரேற்றார். மாவட்டப் பொருளாளர் கனகராஜ் நன்றி கூறினார்.