எஸ்.ஐ. பைக் திருட்டு சம்பவம்: தலைமைக் காவலர் சஸ்பெண்ட்

கரூர் காவல் நிலையத்தில் காவல் உதவி ஆய்வாளரின் பைக் திருடுபோன சம்பவத்தில் பணியில் இருந்த தலைமைக் காவலர் தற்காலிக பணி நீக்கம் செய்யப்பட்டுள்ளார்.
கரூர் காவல் நிலைய உதவி ஆய்வாளராக பணியாற்றுபவர் அழகுராமு. காவல் நிலையத்திற்குள் வைத்திருந்த இவரது பைக்கை திங்கள்கிழமை இரவு யாரோ மர்ம நபர்கள் திருடிச் சென்றுவிட்டனர். அப்போது காவல் நிலையத்தில் இரவு பணியில் தலைமைக் காவலர் பழனிவேலை மாவட்ட காவல் கண்காணிப்பாளர் டிகே. ராஜசேகரன் தற்காலிக பணி நீக்கம் செய்து புதன்கிழமை உத்தரவிட்டார். 
இளைஞர் கைது: இந்நிலையில் உதவி ஆய்வாளரின் பைக்கை திருடியதாக திண்டுக்கல் மாவட்டம், லந்தகோட்டையைச் சேர்ந்த விஸ்வநாதனை (26) போலீஸார் புதன்கிழமை கைது செய்தனர்.