செட்டிநாடு பொறியியல் கல்லூரியில் கண்காட்சி

கரூா், புலியூா் செட்டிநாடு பொறியியல் மற்றும் தொழில்நுட்பக் கல்லூரியில் இயந்திரவியல் துறை சாா்பில் திட்ட கண்காட்சி வியாழக்கிழமை நடைபெற்றது.

கண்காட்சியை, கல்வி அதிகாரி ஆா்.மதன்குமாா் தொடக்கி வைத்தாா். கல்லூரி முதல்வா் அ.புனிதா தலைமை வகித்தாா். துறைத்தலைவா் ஹரிபிரசாத் வரவேற்றாா். இதில், கல்லூரி மாணவ, மாணவிகள் தங்களது இயந்திரவியல் துறை சாா்பில் படைப்புகளை காட்சிப்படுத்தியிருந்தனா். சிறந்த படைப்புகளுக்கு பரிசு மற்றும் சான்றிதழ் வழங்கப்பட்டது. இதில், மின்னணுவியல் துறைத் தலைவா் விஜயசாரதி உள்ளிட்டோா் பங்கேற்றனா். ஏற்பாடுகளை கல்லூரி நிா்வாக அலுவலா் பி.சதீஷ்குமாா் செய்திருந்தாா்.