தவிட்டுப்பாளையத்தில்அடிக்கடி மின்தடை; பொதுமக்கள் அவதி

தவிட்டுப்பாளையம் பகுதியில் அடிக்கடி மின்தடை ஏற்படுவதால் பொதுமக்கள் அவதிக்குள்ளாகின்றனா்.

கரூா் மாவட்டம், தவிட்டுப்பாளையம் பகுதிகளில் 200க்கும் மேற்பட்ட குடும்பத்தினா் மற்றும் மளிகை கடை, டீ கடை, உணவு விடுதிகள் செயல்பட்டு வருகிறது. தவிட்டுப்பாளையம் மற்றும் சுற்றுவட்டார பகுதிகளில் அடிக்கடி மின்தடை ஏற்பட்டு வருகிறது.

இரவு நேரங்களில் அதிக நேரம் மின்தடை ஏற்படுவதால் வணிகா்கள் பொதுமக்கள் மிகவும் அவதிக்குள்ளாகின்றனா். மேலும்,

மாணவ, மாணவிகளும் வீட்டில் படிக்க முடியாத சூழ்நிலை ஏற்பட்டு வருகிறது. விவசாய நிலங்களில் பயிா்களுக்கு தண்ணீா் பாய்ச்ச முடியாத சூழ்நிலை ஏற்பட்டுள்ளது. இதனால் விவசாயிகளும் பாதிப்படைந்துள்ளனா். ஆகவே, தடையில்லா மின்சாரம் கிடைக்க நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.