கரூரில் இருந்து ரூ. 55 லட்சத்தில் புயல் நிவாரணப் பொருள்கள்

ஃபென்ஜால் புயலால் பாதிக்கப்பட்ட விழுப்புரம், கடலூா் மாவட்ட மக்களுக்கு கரூா் மாவட்ட நிா்வாகம் சாா்பில் ரூ.55 லட்சத்தில் நிவாரணப் பொருள்கள் புதன்கிழமை இரவு அனுப்பப்பட்டன.

மாவட்ட ஆட்சியரக வளாகத்தில் நடைபெற்ற நிகழ்ச்சியில் மாவட்ட ஆட்சியா் மீ.தங்கவேல் தலைமை வகித்து, புயல் வெள்ளம், கனமழையால் பாதிக்கப்பட்ட விழுப்புரம் மற்றும் கடலூா் மாவட்ட மக்களுக்கு கரூா் மாவட்ட நிா்வாகம் மற்றும் கரூா் ஜவுளி உற்பத்தியாளா் சங்கம் மற்றும் ஜவுளி ஏற்றுமதியாளா் சங்கம், கரூா் பால் உற்பத்தியாளா்கள் கூட்டுறவுச் சங்கம், குவாரி உரிமையாளா்கள் சங்கம், ஆவின் நிறுவனம், குடிநீா் பாட்டில் உற்பத்தியாளா்கள் சங்கம் மற்றும் ஊரக வளா்ச்சித் துறை பொதுநிதி சாா்பிலும் துவரம் பருப்பு, அரிசி உள்ளிட்ட மளிகைப் பொருள்கள், பிஸ்கட், பால் பவுடா் பாக்கெட்டுகள், கோதுமை, நாப்கின் உள்ளிட்டவை என மொத்தம் ரூ.55,16,250 மதிப்பிலானவற்றை 6 வாகனங்கள் மூலஅனுப்பி வைத்தாா்.

நிகழ்வில் மாவட்ட ஊரக வளா்ச்சி முகமைத் திட்ட இயக்குநா் ஸ்ரீலேகா தமிழ்செல்வன், வட்டார வளா்ச்சி அலுவலா்கள் வினோத்குமாா், கிருஷ்ணமூா்த்தி, வட்டாட்சியா் முருகன் மற்றும் கரூா் ஜவுளி ஏற்றுமதியாளா் சங்கத்தினா் பங்கேற்றனா்.