கரூரில் அரசுப் பேருந்துகளில் தமிழ்நாடு ஸ்டிக்கா் ஒட்டிய நாதகவினா் கைது

கரூரில் அரசுப் பேருந்துகளில் தமிழ்நாடு ‘ஸ்டிக்கா்’ ஒட்டி போராட்டத்தில் ஈடுபட்ட நாம் தமிழா் கட்சியினா் 10 பேரை போலீஸாா் புதன்கிழமை கைது செய்தனா்.

கரூா் பழைய பேருந்துநிலையத்தில் நடைபெற்ற இப்போராட்டத்துக்கு கட்சியின் மாநில மருத்துவா் அணிச் செயலா் மருத்துவா் கருப்பையா, மாநில ஒருங்கிணைப்பாளா் செந்தில்குமாா், கரூா் மண்டல செயலா் ராஜேஷ் கண்ணா ஆகியோா் தலைமை வகித்தனா்.

இதையடுத்து, பேருந்துகளில் அரசுப் போக்குவரத்து கழகம் என்ற எழுத்துக்கு முன்பு ‘தமிழ்நாடு’ என்ற ஸ்டிக்கரை நாம் தமிழா் கட்சியினா் ஒட்டினா்.

அப்போது அங்கு பாதுகாப்புப் பணியில் ஈடுபட்டிருந்த கரூா் நகர போலீஸாா், ஸ்டிக்கரை கிழித்ததோடு மேலும் பல பேருந்துகளில் ஒட்டுவதற்கு தடைவிதித்தனா்.

தொடா்ந்து போலீஸாரின் தடுப்பையும் மீறி அரசுப் பேருந்தின் பக்கவாட்டில் தமிழ்நாடு அரசு என்ற ஸ்டிக்கரை ஒட்டி, திமுக அரசுக்கு எதிரான கோஷங்களை எழுப்பி போராட்டத்தில் ஈடுபட்டனா்.

இதனால், கட்சியின் மாநில மருத்துவா் அணிச் செயலா் மருத்துவா் கருப்பையா, மாநில ஒருங்கிணைப்பாளா் செந்தில்குமாா் உள்ளிட்ட 10 பேரை போலீஸாா் கைது செய்து மாலையில் விடுவித்தனா்.