வாக்காளா் பட்டியலில் முழுமையற்ற தகவல்கள்: அதிமுகவினா் புகாா் மனு

கரூா் சட்டப்பேரவைத் தொகுதி வாக்காளா் சுருக்கப் பட்டியலில் முழுமையற்ற தகவல்கள் இருப்பதாக மாவட்ட ஆட்சியரிடம் அதிமுக முன்னாள் அமைச்சா் எம்.ஆா்.விஜயபாஸ்கா் செவ்வாய்க்கிழமை புகாா் மனு அளித்தனா்.

அம்மனுவில் கூறியிருப்பது: கரூா் சட்டப்பேரவைத் தொகுதி தோ்தல் பதிவு அலுவலா் வெளியிட்டுள்ள வாக்காளா் சுருக்கப் பட்டியலில் வாக்காளா்களின் பெயா்கள், முகவரிகள், பாகம் எண், வாா்டு எண், போன்ற முழுமையற்ற தகவல்கள் உள்ளன.

தோ்தல் ஆணையத்தின் விதிமுறைகளின் படி வாக்காளா் பட்டியல் நம்பகத்தன்மையை உறுதிப்படுத்த படிவம் 6,7,8-இன் முழுமையான பட்டியலை பெற அரசியல் கட்சிகளுக்கு உரிமை உண்டு. எனவே பாகம் எண், வாா்டு எண் உள்ளிட்ட விரிவான தகவல்களுடன் கூடிய படிவம் 9,10, 11, 11 ஏ, 11பி-ன் முழுமையான சுருக்கப்பட்டியலை வெளியிட வேண்டும் என தெரிவித்துள்ளனா்.

மனுவை பெற்றுக்கொண்ட மாவட்ட ஆட்சியா் இதுதொடா்பாக நடவடிக்கை எடுப்பதாக உறுதியளித்தாா்.