சாலையோரத்தில் அமைக்கப்பட்ட மினி பூங்காவுக்குள் மீண்டும் குப்பைகள்: குற்றவியல் நடவடிக்கை எடுக்க வலியுறுத்தல்

சாலையில் குப்பைகள் கொட்டுவதால் ஏற்படும் சுகாதாரக்கேடுகளை தவிா்க்கும் வகையில் மாநகராட்சி சாா்பில் அமைக்கப்பட்ட மினி பூங்காவுக்குள் மீண்டும் குப்பைகளை கொட்டுவோா் மீது கடும் நடவடிக்கை எடுக்க வேண்டும் என சமூக நல ஆா்வலா்கள் கோரிக்கை விடுத்துள்ளனா்.

கரூா் மாநகராட்சிக்குள்பட்ட 48 வாா்டுகளிலும் தினம்தோறும் சுமாா் 70 டன் குப்பைகள் சேகரிக்கப்பட்டு அவை மாநகராட்சிக்குச் சொந்தமாக வாங்கல் சாலையில் அரசு காலனியில் செயல்படும் குப்பைக்கிடங்கில் கொட்டப்பட்டு அவை உரமாக மாற்றப்பட்டு வருகின்றன.

இந்நிலையில் மாநகராட்சிக்குள்பட்ட அனைத்து வாா்டுகளிலும் தூய்மைப்பணியாளா்கள் நேரிடையாக வீடுதோறும் சென்று மக்கும் குப்பைகள், மக்காத குப்பைகளை வாங்கிச் செல்கின்றனா். ஆனால், சிலா் தூய்மைப்பணியாளா்களிடம் குப்பைகளை வழங்காமல் இரவு நேரங்களில் ஆள்கள் நடமாட்டம் மிகுந்து பகுதியில் சாலையோரங்களில் வீசி சென்றுவிடுகிறாா்கள்.

இதனால் சாலைகளில் செல்லும் வாகன ஓட்டிகளும், பாதசாரிகளும் குப்பைகளில் இருந்து வரும் துா்நாற்றத்தினால் அவதிப்பட்டு வருகிறாா்கள். இதனால் சாலையோரம் பொதுமக்கள் குப்பைகள் வீசுவதை தடுக்கும் வகையில் அக். 14-ஆம்தேதி மாநகராட்சி முழுவதும் சாலையோரம் குப்பைகள் வீசப்படும் இடங்களில் செடிகள் வைத்து மினி பூங்காக்களை மாநகராட்சி ஊழியா்கள் அமைத்தனா். மேலும், பூங்காவில் குப்பைகளை பூங்காக்களில் வீசுவோா் மீது கடும் நடவடிக்கை எடுக்கப்படும் என எச்சரிக்கை பலகையும் வைத்துள்ளனா். ஆனால், இதையெல்லாம் கண்டுகொள்ளாத சிலா் மீண்டும் இரவு நேரங்களில் தற்போது மினி பூங்காவிற்குள்ளே குப்பைகளை வீசி செல்கிறாா்கள். திட்டமிட்டே சுகாதாரக் கேடுகளை உருவாக்கும் நோக்கத்தில் செயல்படும் இதுபோன்ற நபா்களை கண்டறிந்து அவா்களுக்கு ரூ.1லட்சம் வரை அபராதம் விதிப்பதோடு, அவா்கள் மீது குற்றவியல் நடவடிக்கையும் எடுக்க வேண்டும் என சமூக நல ஆா்வலா்கள் கோரிக்கை விடுத்துள்ளனா்.