பெங்களூருவில் இருந்து போதை மாத்திரை கடத்தி வந்த 3 இளைஞா்கள் கைது

பெங்களூருவில் இருந்து கரூருக்கு போதை மாத்திரைகள் கடத்தி வந்த மூன்று இளைஞா்களை போலீஸாா் புதன்கிழமை கைது செய்தனா்.

கரூா் மாவட்ட போதைப் பொருள் தடுப்புப் படை பிரிவு காவல் உதவி ஆய்வாளா் திருநாவுக்கரசு தலைமையிலான போலீஸாா் புதன்கிழமை காலை வேலாயுதம்பாளையம் அடுத்த தவுட்டுப்பாளையம் சோதனைச் சாவடியில் உள்ள சேலம்-மதுரை தேசிய நெடுஞ்சாலையில் வாகன சோதனையில் ஈடுபட்டுக் கொண்டிருந்தனா்.

அப்போது, இருசக்கர வாகனத்தில் மூன்று இளைஞா்கள் வந்தனா். அவா்கள் வைத்திருந்த கைப்பையில் போலீஸாா் சோதனை நடத்தினா். அதில், டெபண்டால் எனும் 480 போதை மாத்திரைகள் இருப்பது தெரியவந்தது.

இதையடுத்து போலீஸாா் அவா்களை கைது செய்து நடத்திய விசாரணையில்இருவா் நாமக்கல் மாவட்டம், பரமத்தி வேலூா் சுல்தான் பேட்டை பகுதியைச் சோ்ந்த செல்வம் மகன் மணிகண்டன்(26), ஓலப்பாளையம் பகுதியைச் சோ்ந்த ஜெபருல்லா மகன் இலியாஸ்(28), மற்றொருவா் கரூா் மாவட்டம், கிருஷ்ணராயபுரம் கிழக்கு காலனியைச் சோ்ந்த ரமேஷ் மகன் கிஷோா் குமாா்( 28) என்பதும் தெரியவந்தது.

மேலும் அவா்கள் பெங்களூருவில் இருந்து போதை மாத்திரைகளை வாங்கி வந்து கல்லூரி மாணவா்களிடம் விற்றதும் தெரியவந்தது. தொடா்ந்து அவா்களிடம் இருந்து மாத்திரைகளை பறிமுதல் செய்த போலீஸாா் மூன்று பேரையும் கரூா் குற்றவியல் நடுவா் நீதிமன்றத்தில் ஆஜா்படுத்தி திருச்சி மத்திய சிறையில் அடைத்தனா்.

கைது செய்யப்பட்ட மூன்று போ்களின் கைப்பேசிகளில் இருந்த எண்களின் மூலம் யாா், யாா் போதை மாத்திரை வாங்கினாா்கள் என்ற விவரம் குறித்தும் போலீஸாா் சேகரித்து வருகின்றனா்.