தண்டவாள பராமரிப்புப் பணி கரூா் வழியாக செல்லும் விரைவு ரயில் சேவையில் மாற்றம்

தண்டவாள பராமரிப்புப் பணிகள் நடைபெறுவதால் கரூா் வழியாகச் செல்லும் பாலக்காடு விரைவு ரயில் மற்றும் கோவை-நாகா்கோவில் ரயில் சேவையில் மாற்றம் செய்யப்பட்டுள்ளன.

இதுதொடா்பாக தெற்கு ரயில்வேயின் சேலம் கோட்ட மக்கள் தொடா்பு அலுவலா் ஜி.மரியமைக்கேல் திங்கள்கிழமை வெளியிட்டுள்ள செய்திக்குறிப்பு: கரூா் மாவட்டம் மூா்த்திப்பாளையம் - கரூா் ரயில் நிலையங்களுக்கு இடையே தண்டவாளப் பராமரிப்பு மற்றும் ஸ்லீப்பா் மாற்றும் பணிகள் செவ்வாய்க்கிழமை (செப்.15) மற்றும் செப்.17, 19-ஆம்தேதிகளில் நடைபெறுகிறது.

இதனால் பாலக்காடு டவுனில் இருந்து காலை 6.30 மணிக்கு புறப்படும் பாலக்காடு டவுன்-திருச்சி விரைவு ரயில் செவ்வாய்க்கிழமை (செப்.15) மற்றும் 17,19-ஆம்தேதிகளில் புகழூா் ரயில்நிலையம் வரை மட்டுமே இயக்கப்படும்.

இதேபோல, கோயம்புத்தூா் வடக்கு, பீளமேடு, சிங்காநல்லூா், இருகூா், சூலூா் ரோடு, சோமனூா், திருப்பூா், ஊத்துக்குளி, ஈங்கூா், ஈரோடு, பாசூா், கொடுமுடி, புகழூா், கரூா், பாளையம் மற்றும் எரியோடு வழியாக இயக்கப்படும் கோயம்புத்தூா் - நாகா்கோவில் விரைவு ரயில் செவ்வாய்க்கிழமை (செப்.15) மற்றும் 17, 19-ஆம்தேதிகளில் மாற்றுப் பாதையில் போத்தனூா், கிணத்துக்கடவு, பொள்ளாச்சி, உடுமலைப்பேட்டை, பழனி மற்றும் ஒட்டன்சத்திரம் வழியாக இயக்கப்படும் என தெரிவித்துள்ளாா் அவா்.