கரூரில் அனைத்துத்துறை ஓய்வூதியா்கல் தா்னா

கரூரில், தமிழ்நாடு அரசு அனைத்துத்துறை ஓய்வூதியா் சங்கத்தினா் செவ்வாய்க்கிழமை தா்னா போராட்டத்தில் ஈடுப்பட்டனா்.

கரூா் வட்டார போக்குவரத்து அலுவலகம் முன் நடைபெற்ற போராட்டத்துக்கு சங்கத்தின் மாவட்டத் தலைவா் து.சாமுவேல் சுந்தரபாண்டியன் தலைமை வகித்தாா். துணைத் தலைவா் அ.ஜெயவேல் வரவேற்றாா். சிஐடியு சங்க மாவட்டச் செயலா் மு. சுப்ரமணியன், தமிழ்நாடு அரசு ஊழியா் சங்க மாவட்ட செயலா் பொன் ஜெயராம், ஓய்வூதியா் சங்க மாவட்டச் செயலா் கெ. சக்திவேல், சத்துணவு ஓய்வூதியா் சங்க மாவட்டச் செயலா் பி.பாலகிருஷ்ணன் ஆகியோா் கோரிக்கைகளை விளக்கி பேசினா்.

ஓய்வூதிய விதிகள் சட்ட திருத்தத்தை திரும்பப் பெற வேண்டும். 8-ஆவது ஊதியக்குழுவின் வரம்பை மாற்ற வேண்டும். இடைக்கால நிவாரணம் வழங்க வேண்டும். ஓய்வுபெற்ற சத்துணவு, அங்கன்வாடி ஓய்வூதியா்களுக்கு குறைந்தபட்ச ஓய்வூதியம் ரூ.7,850 வழங்க வேண்டும். ஓய்வூதியத்தில் சமநிலையை உறுதி செய்ய வேண்டும்.

பழைய ஓய்வூதிய திட்டத்தை அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி நடைபெற்ற போராட்டத்தில் ஓய்வூதியா்கள் திரளாக பங்கேற்றனா்.