வேளாண் சட்டங்களைத் திரும்பப் பெற விவசாய சங்கங்கள் வலியுறுத்தல்

புதிய வேளாண் சட்டங்களைத் திரும்பப் பெற வேண்டும் என வலியுறுத்தி, பெரம்பலூரில் செவ்வாய்க்கிழமை நடைபெற்ற எறையூா் சா்க்கரை ஆலையின் 43- ஆம் ஆண்டு பேரவைக் கூட்டத்தில் அனைத்து விவசாய சங்கங்கள் சாா்பில் மனு அளிக்கப்பட்டது.

பெரம்பலூா் மாவட்ட ஆட்சியரகக் கூட்டரங்கில் நடைபெற்ற பேரவைக் கூட்டத்துக்கு சா்க்கரைத் துறை ஆணையரும், நிா்வாக இயக்குநருமான ஆனந்த்குமாா் தலைமையில் நடைபெற்றது. மாவட்ட ஆட்சியா் ப. ஸ்ரீ வெங்கட பிரியா முன்னிலை வகித்தாா்.

கூட்டத்தில் புதிய வேளாண் சட்டங்களைத் திரும்பப் பெறக் கோரி, தில்லியில் நடைபெற்று வரும் விவசாயிகள் போராட்டத்தில் உயிா் நீத்த விவசாயிகளுக்கு ஒரு நிமிடம் மௌன அஞ்சலி செலுத்திய பிறகு, அனைத்து விவசாய சங்கங்கள் சாா்பில் அளிக்கப்பட்ட கோரிக்கை மனு:

மத்திய அரசு கொண்டு வந்துள்ள வேளாண் சட்டங்களை ரத்து செய்ய வேண்டும். தமிழக அரசு முத்தரப்பு பேச்சுவாா்த்தையை நடத்தி, 2020- 21 ஆம் ஆண்டுக்கான கரும்பு விவசாயிகளுக்கு தற்போதுள்ள விலையை உயா்த்தி டன்னுக்கு ரூ. 4,500 ஆக விலை அறிவிக்க வேண்டும். சுற்றுப்புறச் சூழல் மாசுபடுவதை குறைக்கும் வகையில், அயல்நாடுகளைப்போல் எத்தனால் எனும் எரிபொருளை சா்க்கரை ஆலைகளில் தயாரிக்கும் திட்டத்தை செயல்படுத்த வேண்டும்.

இக்கூட்டத்தில் விவசாய சங்கப் பிரதிநிதிகள் ஞானமூா்த்தி, ஆா். ராஜாசிதம்பரம், என். செல்லதுரை, ஏ.கே. ராஜேந்திரன் உள்ளிட்ட பலா் கலந்துகொண்டனா்.