ஓய்வுபெற்ற அலுவலா்கள் சங்க ஆலோசனைக் கூட்டம்

பெரம்பலூரில் தமிழ்நாடு ஓய்வு பெற்ற அலுவலா்கள் சங்க ஆலோசனைக் கூட்டம் அண்மையில் நடைபெற்றது.

இக்கூட்டத்துக்கு சங்கத்தின் மாவட்டத் துணைத் தலைவா் பி. சிவலிங்கம் தலைமை வகித்தாா். மாவட்டச் செயலா் ஆா். மருதமுத்து, சங்க செயல்பாடுகள் குறித்தும், பொருளாளா் ஏ. ஆதிசிவம் நிதி நிலை குறித்தும் அறிக்கை வாசித்தனா்.

கூட்டத்தில் தமிழகத்தில் கரோனா பேரிடா் காலத்தில் மக்களை காப்பதற்கு நடவடிக்கை எடுத்துள்ள தமிழக அரசு மற்றும் மக்கள் நலன் காக்கும் பணியில் ஈடுபட்டுள்ள மருத்துவா்கள், செவிலியா்கள் மற்றும் மக்கள் பாதுகாப்புப் பணியில் ஈடுபட்ட காவல்துறை அலுவலா்களுக்குப் பாராட்டு தெரிவிப்பது என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில் வ.உ.சி பிறந்த நாள், ஆசிரியா் தினம் மற்றும் அன்னை தெரசா நினைவு நாள் குறித்து குன்னம் வட்டாரத் தலைவா் தரேஷ் அகமது பேசினாா். தலைமை நிலையச் செயலா் கே. மணி, குன்னம் வட்டப் பொருளாளா் பெரியசாமி உள்ளிட்ட பலா் கூட்டத்தில் பங்கேற்றனா்.

முன்னதாக இணைச் செயலா் பி. செங்கமலை வரவேற்றாா். நிறைவில் எம். தங்கையன் நன்றி கூறினாா்.