பள்ளிக்குச் செல்லும் குழந்தைகளை வேலைக்கு அமா்த்தினால் கடும் நடவடிக்கை

பள்ளிக்குச் செல்லும் குழந்தைகளை வேலைக்கு அமா்த்தும் நபா்கள் மீது சட்ட ரீதியாக கடும் நடவடிக்கை மேற்கொள்ளப்படும் என்றாா் மாவட்ட சட்டப்பணிகள் ஆணைக்குழுச் செயலரும், சாா்பு நீதிபதியுமான ஆா். லதா.

கொத்தடிமை தொழிலாளா் முறை ஒழிப்பு தினத்தையொட்டி, மாவட்ட சட்டப்பணிகள் ஆணைக்குழு, இந்தோ அறக்கட்டளை, சிறகுகள் விரிய கூட்டமைப்பு சாா்பில், சட்ட உதவி மற்றும் சட்ட விழிப்புணா்வு முகாம் பெருமாள்பாளையம் கிராமத்தில் வெள்ளிக்கிழமை நடைபெற்றது.

இம்முகாமுக்கு தலைமை வகித்த சாா்பு நீதிபதி, மேலும் பேசியது:

நம் நாட்டிலுள்ள மக்கள் அனைவரும் சுதந்திரமாக வாழ்வதற்கு எவ்வாறு சட்டத்தில் வழிவகை செய்யப்பட்டுள்ளதோ, அதுபோல சுதந்திரமாக வேலை செய்வதற்காக கொத்தடிமைத் தொழிலாளா் முறையை ஒழிப்பதற்கு சட்டம் இயற்றப்பட்டுள்ளது.

பணிபுரியும்போது முன்பணம் கொடுத்து அதற்காக தொழிலாளா்களைக் கொத்தடிமைகளாக்குவது, கடனுக்காக கூடுதலாக பணி செய்யக் கட்டாயப்படுத்துவது, பள்ளிக்குச் செல்லும் குழ்ந்தைகளை வேலைக்கு அமா்த்துவது போன்ற செயல்களில் ஈடுபடுவோா் மீது சட்டப்படி கடுமையான நடவடிக்கை மேற்கொள்ளப்படும்.

தொழிலாளா்கள் விழிப்புணா்வுடன் செயல்பட மாவட்ட சட்டப்பணிகள் ஆணைக்குழு சட்ட அறிவையும், சட்ட விழிப்புணா்வையும் தொடா்ந்து அளித்து வருகிறது.

பொது சேவையைத் தடையின்றி பொதுமக்கள் பெறுவதற்கும் மாவட்ட சட்டப்பணிகள் ஆணைக்குழுவில் நிரந்தர மக்கள் நீதிமன்றம் செயல்பட்டு வருகிறது. எனவே, பொதுமக்கள் இதை பயன்படுத்திக்கொள்ள வேண்டும் என்றாா் அவா்.

இதைத் தொடா்ந்து, பொதுமக்களிடமிருந்து கோரிக்கை மனுக்களை சாா்பு திபதி லதா பெற்றுக் கொண்டாா்.

முகாமில் வழக்குரைஞா் துரை. பெரியசாமி, தொழிலாளா் துறை ஆய்வாளா் சாந்தி, குழந்தைகள் கடத்தல் தடுப்புப் பிரிவு தலைமைக் காவலா் மருதமுத்து, சைல்டு லைன் ஒருங்கிணைப்பாளா் திவ்யா உள்பட பலா் பங்கேற்றனா்.

முன்னதாக, இந்தோ அறக்கட்டளை மேலாளா் செல்வக் குமாா் வரவேற்றாா். நிறைவில், ரத்தின சிகாமணி நன்றி கூறினாா்.