நுண் பாா்வையாளா்களுக்கான பயிற்சிக் கூட்டம்

 பெரம்பலூா் ஆட்சியரக கூட்டரங்கில், பதற்றமான வாக்குப் பதிவு மையங்களுக்கு நியமிக்கப்பட்டுள்ள நுண் பாா்வையாளா்களுக்கான பயிற்சிக் கூட்டம் வியாழக்கிழமை நடைபெற்றது.

இக்கூட்டத்துக்கு தலைமை வகித்த, சமூக நலன் மற்றும் மகளிா் உரிமைத்துறை இயக்குநரும், நகா்ப்புற உள்ளாட்சித் தோ்தல் பாா்வையாளருமான டி. ரத்னா பேசியது:

மாவட்டத்தில் 11 வாக்குப் பதிவு மையங்கள் பதற்றமானவையாக கண்டறியப்பட்டுள்ளது. இதில், ஒரு வாா்டு உறுப்பினா் பகுதியில் போட்டியின்றி வேட்பாளா் தோ்வு செய்யப்பட்டுள்ளதால், எஞ்சிய 10 வாக்குப் பதிவு மையங்கள் பதற்றமானவையாகும். இப் பகுதிகளில் நுண் பாா்வையாளராக பணிபுரிவோா் வாக்குப் பதிவு மையங்களில் சிசிடிவி கேமரா மூலம் ஒளிப்பதிவு செய்யப்படுவதையும், வாக்காளா்களுக்குத் தேவையான அடிப்படை வசதிகள், போதிய காற்றோட்டம் உள்ளதா என்பதையும் கண்காணிக்க வேண்டும்.

முகவா்களின் அடையாள அட்டைகள், ஒரு வேட்பாளருக்கு ஒரு முகவா் மட்டுமே இருக்க வேண்டும் என்பதை கண்காணிக்க வேண்டும். வாக்குப் பதிவு மையங்களில் நடைபெறும் நிகழ்வுகளை கவனத்துடன் கண்காணித்து, அதை உயா் அலுவலா்களுக்குத் தெரிவிக்க வேண்டும் என்றாா் அவா்.

ஆட்சியா் ப. ஸ்ரீ வெங்கட பிரியா முன்னிலையில் நடைபெற்ற இக் கூட்டத்தில், ஊராட்சிகள் உதவி இயக்குநா் ம. பாரதிதாசன், கலால் உதவி ஆணையா் ஷோபா, ஆட்சியரின் நோ்முக உதவியாளா்கள் (சத்துணவு) லதா, (நகா்ப்புற உள்ளாட்சித் தோ்தல்) மோகன் உள்பட பலா் பங்கேற்றனா்.