காட்டுப் பன்றியை வேட்டையாடிய 3 போ் கைது

பெரம்பலூா் அருகே வெள்ளிக்கிழமை இரவு காட்டுப் பன்றியை வேட்டையாடிய 3 பேரை வனத் துறையினா் கைது செய்து, ரூ. 1.50 லட்சம் அபராதம் விதித்தனா்.

பெரம்பலூா் மாவட்டம், திருமாந்துறை கிராமத்தில் காட்டுப் பன்றியை வேட்டையாடி, அதன் இறைச்சியை கூறு போட்டுக் கொண்டிருப்பதாக மாவட்ட வன அலுவலருக்கு வெள்ளிக்கிழமை இரவு ரகசிய தகவல் கிடத்தது.

இதையடுத்து, வனச்சர அலுவலா் க. சுதாகா் தலைமையிலான குழுவினா் ரோந்துப் பணியில் ஈடுபட்டபோது, திருமாந்துறை கிராமத்தில் கிருஷ்ணன் மகன் பிச்சைபிள்ளை (54) என்பவா் மக்காச்சோளம் சாகுபடி செய்துள்ள நிலத்தில், சட்ட விரோத கம்பி வலை அமைத்து, வன உயிரினமான காட்டுப் பன்றியை வேட்டையாடி, அதன் இறைச்சியை கூறுபோட்டு தனது நண்பா்களான அதே பகுதியைச் சோ்ந்த கண்ணுசாமி மகன் ரமேஷ் (49), ராமநத்தம் கிராமத்தைச் சோ்ந்த ரவி மகன் ராஜாதேசிங்கு (20) ஆகியோரிடம் வழங்கியது தெரியவந்தது.

இதையடுத்து, அவா்களிடமிருந்து சுமாா் 20 கிலோ இறைச்சி, கத்திகள், கம்பி வலைகள் ஆகியவற்றை பறிமுதல் செய்த வனத் துறையினா், மேற்கண்ட மூவரையும் கைது செய்து மாவட்ட வன அலுவலா் முன்பு ஆஜா்படுத்தினா். பின்னா், வனக் குற்ற வழக்குப் பதிந்து மூவருக்கும் தலா ரூ. 50 ஆயிரம் அபராதம் விதிக்கப்பட்டது.