போலீஸ்-பொதுமக்கள் நல்லுறவு கூட்டம்

பொன்னமராவதி அருகேயுள்ள கண்டியாநத்தம் ஊராட்சியில் போலீஸ் - பொதுமக்கள் நல்லுறவு கூட்டம் திங்கள்கிழமை நடைபெற்றது.

கூட்டத்துக்கு ஊராட்சி மன்றத் தலைவர் ப. முருகேசன் தலைமை வகித்தார். காவல் உதவி ஆய்வாளர் ஆர். கார்த்திகைசாமி வரவேற்றார்.

கூட்டத்தில் பொன்னமராவதி காவல் துணைக் கண்காணிப்பாளர் து. இளங்கோவன் பேசியது: குடும்பப் பிரச்னை மற்றும் சாதாரண பிரச்னைகளை பேசி தீர்த்துக் கொள்ள வேண்டும். பெண்கள் தங்களுக்கு ஏற்படும் பிரச்னைகளை எங்களிடம் செல்லிடப்பேசி மூலமாக தெரிவித்தால், ரகசியமாக விசாரணை நடத்தி தீர்வு காணப்படும் என்றார்.

காவல் உதவி ஆய்வாளர் முத்துக்கருப்பன், சிறப்பு உதவி ஆய்வாளர் முத்து, ஊர் முக்கியஸ்தர்கள் மாரியப்பன், அழகப்பன், சுப்பையா உள்ளிட்டோர் பங்கேற்றனர்.