மன்னர் கல்லூரி மாணவர்கள் தர்னா

புதுக்கோட்டை அரசு மன்னர் கல்லூரி மாணவர்கள் அடிப்படை வசதிகளை மேம்படுத்தக் கோரி புதன்கிழமை தர்னாவில் ஈடுபட்டனர்.
அரசு மன்னர் கல்லூரியில் சுகாதாரமான குடிநீர், மின் இணைப்பு உள்ளிட்ட அடிப்படை வசதிகள் முறையாக இல்லையாம். இதுகுறித்து கல்லூரி நிர்வாகத்திடம் பலமுறை வலியுறுத்தியும் நடவடிக்கை இல்லையாம். இதனால், அடிப்படை வசதிகளை உடனே மேம்படுத்தக்கோரி, புதன்கிழமை காலை வகுப்புகளைப் புறக்கணித்து தர்னாவில் ஈடுபட்டனர். தொடர்ந்து, கல்லூரி நிர்வாகத்தினர், போலீஸார் உரிய நடவடிக்கை எடுப்பதாக அளித்த உறுதியளிப்பை ஏற்று போராட்டத்தை கைவிட்டு மாணவர்கள் வகுப்புகளுக்குச் சென்றனர்.