ஜகதாபட்டினத்தில் தவ்ஹீத் ஜமா அத் கூட்டம் 

புதுகை மாவட்டம் ஜகதாபட்டினத்தில் தமிழ்நாடு தவ்ஹீத் ஜமாஅத் ஜெகதாபட்டினம் கிளை சார்பில் ஞாயிற்றுக்கிழமை  பொதுக்குழுக் கூட்டம் நடைபெற்றது.
கூட்டத்துக்கு, மாவட்டச்செயலாளர் எம் .அன்வர்அலி தலைமை வகித்தார். 
மாவட்ட துணை செயலாளர் பதுர் ரஹ்மான் மற்றும் மாவட்ட துணைத் தலைவர் மெக்கானிக் ஷேக் ஆகியோர் முன்னிலை வகித்தனர். 
கூட்டத்தில், புதிய நிர்வாகிகள் தேர்வு நடைபெற்றது. தலைவராக சித்திக் ரஹ்மான், செயலாளராக ரஷ்மத்கான், பொருளாளராக அயூப் கான், துணைத் தலைவராக  செய்யது அபுதாஹீர், துணைச் செயலாராக  யாசர் அகமது, மருத்துவரணி செயலாளராக  முஹம்மது இபுராஹிம், தொண்டரணி செயலாளராக அசாரூதீன் உள்ளிட்டோர் தேர்வு செய்யப்பட்டனர். 
ஜகதாபட்டினம் செல்லனேந்தல் சாலையில் ஊராட்சி ஒன்றிய நடுநிலைப்பள்ளி, மத வழிபாட்டுத் தலம், 2 அங்கன்வாடி மையங்கள் உள்ள இடத்தில் 50 அடி தூரத்தில் அரசு மதுபானகடை திறந்துள்ளதால் பொதுமக்கள் மற்றும் பெண்கள் மிகவும் சிரமப்படுகிறார்கள். எனவே மாவட்ட நிர்வாகம் உடனடியாக மாற்றி அமைக்க வேண்டும். ஜகதாபட்டினம் 
பெரியபள்ளிவாசல்  அதையொட்டிய  பொதுகுளத்திற்கு  அருகே குப்பை மேடு காரணமாக அப்பகுதியில் கடும் சுகாதாரக் கேடு ஏற்பட்டுள்ளது. மேலும் துர்நாற்றம் காரணமாக பல நோய்கள் பரவும் வாய்ப்பு  உள்ளதால் ஊராட்சி நிர்வாகம் உடனடி நடவடிக்கை எடுக்க வேண்டும் என்பன உள்ளிட்ட பல்வேறு தீர்மானங்கள் நிறைவேற்றப்பட்டன.