பொன். புதுப்பட்டி கோயிலில் விளக்கு பூஜை

பொன்னமராவதி புதுப்பட்டி உடையபிராட்டி அம்மன் கோயிலில் ஆடிவெள்ளியையொட்டி திருவிளக்கு பூஜை நடைபெற்றது. 
முன்னாள் பேரூராட்சித் தலைவர் ஆர்எம். ராஜா தலைமையில் நடைபெற்ற பூஜையின் தொடக்கமாக உடையபிராட்டி அம்பாளுக்கு சிறப்பு அபிஷேக, ஆராதனை நடைபெற்றது. தொடர்ந்து காலை, மாலைகளில் நடைபெற்ற திருவிளக்கு பூஜையில் 801 பெண்கள் பங்கேற்று விளக்கேற்றினர். 
ஏற்பாடுகளை திருவிளக்கு பூஜை குழுவினர் செய்தனர். அதுபோல  பரியாமருதுபட்டி பரியாமருந்தீஸ்வரர் கோயிலில் நடைபெற்ற வழிபாட்டில் திரளான பக்தர்கள் பங்கேற்று வழிபட்டனர்.
கந்தர்வகோட்டை: கந்தர்வகோட்டை பகுதி கோயில்களில் ஆடிமாத சிறப்பு பூஜைகள் வெள்ளிக்கிழமை நடைபெற்றது. 
கந்தர்வகோட்டை ஸ்ரீமுத்துமாரியம்மன் கோயில், ஸ்ரீவெள்ளமுனியன் கோயில், ஸ்ரீஅங்காளம்மன் கோயில் மற்றும் ஆதனக்கோட்டை முத்துமாரியம்மன், பெரம்பூர் வீரமாகாளியம்மன் ஆகிய கோயில்களில் ஆடி கடைவெள்ளியை முன்னிட்டு காலை முதல் அம்மனுக்கு மஞ்சள், திரவியம், பால், பன்னீர், இளநீர், தேன், சந்தனம் உள்ளிட்ட அபிஷேகங்கள், சிறப்பு பூஜைகள் நடைபெற்றன. இதில் சுற்றுவட்டார பொதுமக்கள் திரளாக கலந்து கொண்டனர்.