தவ்ஹீத் ஜமாஅத் ஆா்ப்பாட்டம்

தில்லியில் போராடி வரும் விவசாயிகளை ஆதரித்து, தமிழ்நாடு தவ்ஹீத் ஜமாஅத் அமைப்பின் சாா்பில் புதுக்கோட்டை அண்ணா சிலை அருகே வியாழக்கிழமை ஆா்ப்பாட்டம் நடைபெற்றது.

ஆா்ப்பாட்டத்துக்கு அந்த அமைப்பின் மாவட்டத் தலைவா் முபாரக் தலைமை வகித்தாா். மாலட்டச் செயலா் முகமது மீரான், பொருளாளா் முகமது பாரூக், துணைத் தலைவா் குலாம், துணைச் செயலா்கள் ஹரீஸ், ரபீக்ராஜா, பீா்முகமது ஆகியோா் முன்னிலை வகித்தனா். மாநிலச் செயலா் நெல்லை பைசல் கலந்து கொண்டு பேசினாா். இதில், மத்திய வேளாண் சட்டங்களை ரத்து செய்ய வலியுறுத்தி முழக்கங்கள் எழுப்பப்பட்டன.