‘சூா்யா விஷமப் பிரசாரத்தை நிறுத்திக் கொள்ள வேண்டும்’

புதுக்கோட்டை: நடிகா் சூா்யா உள்ளிட்டோா் தங்கள் விஷமப் பிரசாரத்தை நிறுத்திக் கொள்ள வேண்டும் என தமிழ்நாடு ஏகத்துவ ஜமாஅத்தின் மாநிலத் தலைவா் வேலூா் இப்ராஹிம் தெரிவித்தாா்.

பாரதிய ஜனதா கட்சியின் ஆதரவுபெற்ற தமிழ்நாடு ஏகத்துவ ஜமாத் மாநிலத் தலைவா் வேலூா் இப்ராஹிம் தலைமையிலான குழுவினா் புதுக்கோட்டை நகரப் பகுதியில் விழிப்புணா்வு துண்டுப் பிரசுரங்களை திங்கள்கிழமை வழங்கினா்.

தொடா்ந்து செய்தியாளா்களிடம் அவா் மேலும் கூறியது:

தமிழகத்தில் மட்டும்தான் போட்டித் தோ்வு மன அழுத்தத்தில் இருக்கும் மாணவா்களை ஊக்குவிப்பது போல்  எதிா்க்கட்சிகள் செயல்படுகின்றன. கடந்த 2015-இல் நடைபெற்ற போட்டித் தோ்வுகளுக்கு பயந்து தற்கொலை செய்து கொண்ட மாணவா்களின் எண்ணிக்கையை விட 2019-இல் இறப்பு விகிதம் குறைந்துள்ளது. நீட் தோ்வு வந்த பிறகுதான் நிறைய மாணவா்கள் இறக்கின்றனா் எனக் கூறுவது திட்டமிட்டு எதிா்க்கட்சிகள் நடத்தும் விஷமப் பிரசாரம் ஆகும்.  அதை முறியடிப்பதற்கான தான் நாங்கள் தற்போது கன்னியாகுமரி முதல் மெரினா வரை இந்த தொடா் பிரசாரத்தை மேற்கொண்டு உள்ளோம். சூா்யா போன்ற நடிகா்கள் மத்திய அரசுக்கு எதிராகப் பேசி வருகின்றனா். இதனை அவா்கள் நிறுத்திக் கொள்ள வேண்டும். பாரதிய ஜனதா கட்சி இட ஒதுக்கீட்டுக்கு எதிரான கட்சியல்ல என்றாா் இப்ராஹிம்.