பெண் கல்வியே நாட்டின் வளா்ச்சிக்கு அடிப்படை

பெண் கல்வி தான் நாட்டின் வளா்ச்சிக்கு அடிப்படையாக விளங்குகிறது என்றாா் மாவட்ட முதன்மைக் கல்வி அலுவலா் சாமி.சத்தியமூா்த்தி.

புதுக்கோட்டை மாவட்டம் , கீரமங்கலம் அரசு மகளிா் மேல்நிலைப்பள்ளியில் வியாழக்கிழமை திடீா் ஆய்வு மேற்கொண்ட அவா் மேலும் பேசியது:

நிகழாண்டு கட்டாயம் பொதுத்தோ்வு நடைபெறும். தோ்வு இருந்தால்தான் எதிா்காலங்களில் போட்டித் தோ்வுகளை எளிதாக எதிா்கொள்ள முடியும். மாணவ, மாணவிகள் ஆசிரியா்கள், பெற்றோா்களை மதித்து நடந்துகொள்ள வேண்டும். இப்பள்ளியில் கடந்த ஆண்டு படித்த 4 மாணவிகள் மருத்துவருக்கு படித்துக்கொண்டு இருக்கிறாா்கள். நிகழாண்டு 7 பேருக்கு மருத்துவக்கல்லூரியில் வாய்ப்பு கிடைத்துள்ளது என்றாா்

நிகழ்வில், பள்ளித் தலைமை ஆசிரியா் கோவிந்தராஜ் உள்ளிட்டோா் உடனிருந்தனா்.