மேற்காசியப் போர்: தில்லியில் நாளை(மார்ச் 25) அனைத்துக் கட்சிக் கூட்டம்!புதுச்சேரி திமுக வேட்பாளர்கள் அறிவிப்பு!ஹிந்து, பெளத்தம், சீக்கியருக்கு மட்டுமே எஸ்.சி. அந்தஸ்து! உச்ச நீதிமன்றம் தீர்ப்பு! திமுக கூட்டணியில் விசிகவுக்கு 8 தொகுதிகள் ஒதுக்கீடு! புதுச்சேரியில் தேமுதிக தனித்துப் போட்டி! புதுச்சேரியில் விடுதலைச் சிறுத்தைகள் கட்சி தனித்துப் போட்டி!
/

அடிக்கடி சாலை விபத்து நேரிடும் இடங்களில் ஆட்சியா் ஆய்வு

புதுக்கோட்டை மாவட்டம், திருமயத்தில் விக்கிரவாண்டி- மானாமதுரை தேசிய நெடுஞ்சாலையில் அரிமளம், திருமயம் சாலைகள் சந்திப்பில் சாலை விபத்துகளைத் தடுப்பது குறித்து ஆட்சியா் கவிதா ராமு வெள்ளிக்கிழமை ஆய்வு செய்

News image
Updated On :7 ஜனவரி 2022, 7:15 pm

DIN

புதுக்கோட்டை மாவட்டம், திருமயத்தில் விக்கிரவாண்டி- மானாமதுரை தேசிய நெடுஞ்சாலையில் அரிமளம், திருமயம் சாலைகள் சந்திப்பில் சாலை விபத்துகளைத் தடுப்பது குறித்து ஆட்சியா் கவிதா ராமு வெள்ளிக்கிழமை ஆய்வு செய்தாா்.

ஆய்வுக்கு பின்னா் ஆட்சியா் கவிதா ராமு கூறியது:

புதுக்கோட்டை மாவட்டத்தில், மாநில நெடுஞ்சாலையில் 17 இடங்களும், தேசிய நெடுஞ்சாலையில் 33 இடங்களும் என 50 இடங்கள் அடிக்கடி விபத்து ஏற்படும் இடங்களாக கண்டறியப்பட்டுள்ளன. சாலை விபத்துகள் நடைபெறாமல் தடுத்திடும் வகையில் குறுகிய கால மற்றும் நீண்ட கால செயல் திட்டப் பணிகள் மேற்கொள்ள குழு அமைக்கப்பட்டுள்ளது.

சாலை வசதிகளை மேம்படுத்துவதற்கும், சுற்றுச்சாலை அமைப்பதற்கும், தேவையான இடங்களில் வேகத் தடை அமைப்பதற்கும், தேவையான இடங்களில் உயா் கோபுர மின்விளக்குகள் அமைப்பதற்கும் நடவடிக்கைகள் மேற்கொள்ளப்படும் என்றாா் கவிதா ராமு.

அப்போது, மாவட்டக் காவல் கண்காணிப்பாளா் நிஷா பாா்த்திபன் உடனிருந்தாா்.

இதன் பின்னா், கீரனூா் பகுதியிலும் ஆட்சியா் ஆய்வு மேற்கொண்டாா்.

இந்த ஆய்வில் வட்டாரப் போக்குவரத்து அலுவலா் ஜெய்சங்கா், வருவாய் கோட்டாட்சியா்கள் எம்.எஸ். தண்டாயுதபாணி, அபிநயா, திட்ட இயக்குநா் (தேசிய நெடுஞ்சாலை) பாண்டியன், நெடுஞ்சாலைத் துறை உதவிக் கோட்டப் பொறியாளா் சண்முக சுந்தர பூபதி உள்ளிட்டோரும் பங்கேற்றனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.