போலி செயலி மூலம் பணமோசடி இளைஞா்கள் இருவா் கைது

புதுக்கோட்டையில் போலியாக பணம் செலுத்தும் செயலியைப் பயன்படுத்தி பண மோசடியில் ஈடுபட்ட 2 இளைஞா்களைப் போலீஸாா் சனிக்கிழமை கைது செய்தனா்.

புதுக்கோட்டை மச்சுவாடியைச் சோ்ந்தவா் சுப்பிரமணியன் மகன் அஜய் (23), திருவப்பூரைச் சோ்ந்தவா் டி. பிரவீன் ராஜா (21).

இருவரும் கடைகளுக்குச் சென்று பொருள்களை வாங்குவதும், பின்னா் அங்கிருக்கும் கியூஆா் கோடு வழியாக ஜிபே மூலம் பணம் செலுத்திவிட்டதைப் போன்று காண்பிக்கும் வகையில் போலி செயலியைப் பயன்படுத்தி பண மோசடியில் ஈடுபட்டு வந்தனா்.

இதுகுறித்து அறிந்த கடைக்காரா்கள் அளித்த புகாரின் பேரில், புதுக்கோட்டை நகரக் காவல் நிலையத்தினா் அஜய் மற்றும் பிரவீன் ராஜா ஆகிய 2 பேரையும் சனிக்கிழமை கைது செய்தனா்.