விராலிமலை குறுவள மைய அளவிலான கலைத் திருவிழா போட்டிகள் தொடக்கம்

விராலிமலை ஊராட்சி ஒன்றியத் தொடக்கப் பள்ளியில் விராலிமலை குறுவள மைய அளவிலான கலைத் திருவிழா போட்டிகள் புதன்கிழமை தொடங்கின.

தமிழகத்தில் அனைத்து மாணவா்களும் பங்கேற்கும் கலைத்திருவிழா போட்டிகள் பள்ளிகள் அளவில் தமிழகம் முழுவதும் ஜூலை 23 ஆம் தேதி தொடங்கி நடைபெறுகின்றன. முதலில் பள்ளிகள் அளவிலான போட்டி நடத்தி முடிக்கப்பட்ட நிலையில் 1 முதல் 5 ஆம் வகுப்பு வரையிலான மாணவ, மாணவிகளுக்கான குறுவள மைய போட்டிகள் புதன்கிழமை தொடங்கின.

பள்ளி மேலாண்மைக் குழுத் தலைவி புவனேஸ்வரி தலைமை வகித்தாா். பள்ளித் தலைமை ஆசிரியா் கோபால் முன்னிலை வகித்தாா். ஆசிரியா் தெரஸ் மாா்கரெட் நன்றி கூறினாா்.

தொடா்ந்து வட்டார அளவில் செப். 1 முதல் 9 ஆம் தேதி வரையும், மாவட்ட அளவில் அக். 8 முதல் 15 ஆம் தேதி வரையும் போட்டிகள் நடைபெறும். இதில் சிறப்பிடம் பெறும் மாணவா்கள் மாநில அளவில் நடைபெறும் இறுதிப் போட்டிகளில் பங்கேற்க உள்ளனா்.